Mae Gŵyl Ynysu yn cael ei chynnal heddiw ar dudalen Facebook cylchgrawn Y Selar.
Mae’n cael ei disgrifio fel “gŵyl gerddoriaeth rithiol”, ac mae amryw o artistiaid yn perfformio yn ystod y dydd ar eu tudalennau eu hunain, a’r Selar yn ffrydio’r cyfan ar eu tudalen nhw.
Ac mae’r trefnwyr yn annog y gynulleidfa i gymryd rhan.
“Bydd cyfle i chi ryngweithio, gadael sylwadau, rhoi gair o gefnogaeth a chynnig cyfraniad ariannol bach i’r artistiaid yn y cyfnod ansicr yma,” meddai’r trefnwyr.
“Dewch ynghyd i roi cefnogaeth i artistiaid Cymraeg, ac i’n gilydd, wrth i ni ynysu.”
Y lein-yp
Dechreuodd yr ŵyl am 11 fore heddiw (dydd Sul, Mawrth 29) ac fe fydd yn dod i ben am 11 o’r gloch heno.
Bydd pob set yn dechrau ar yr awr, ac yn para tua hanner awr yr un.
Y Cledrau agorodd yr ŵyl cyn i Sera a Gwen Màiri berfformio.
Dyma weddill y lein-yp:
14:00 – Roughion (set DJ)
15:00 – Ynys (set ar y cyd â Gorwelion)
16:00 – She’s Got Spies
17:00 – Al Lewis
18:00 – Elis Derby
19:00 – Dienw
20:00 – Dafydd Hedd
21:00 – Bwca
22:00 – Tegid Rhys
23:00 – Ifan Pritchard / Gwilym (set ar y cyd â Gorwelion)
