Tafarn mewn trafferth am fethu cau ei drysau

Diweddarwyd  

Corris

Mae tafarn yng ngogledd Cymru wedi cael ei gorfodi i gau wedi iddi anwybyddu’r canllawiau ar gyfer atal y coronafeirws rhag ymledu.

Ddydd Gwener diwethaf daeth i’w amlwg y byddai’n rhaid i theatrau, bwytai, sinemâu a thafarndai gau, er mwyn rhwystro’r feirws rhag lledu.

Ac erbyn hyn mae mwyafrif helaeth o dafarndai Cymru wedi cydymffurfio a chau – gyda rhai’n cynnig gwasanaeth delifro ar y We dros y cyfnod hwn.

Er hynny aeth Tafarn y Slater’s Arms yng Nghorris yn groes i’r rheolau a bu iddi aros ar agor. Bellach mae Cyngor Gwynedd wedi cyhoeddi ei bod wedi’i gorfodi i gau.

Barod i weithredu

“Rydym yn ddiolchgar i’r mwyafrif llethol o fusnesau Gwynedd sy’n chwarae eu rhan, ac yn glynu at y rheoliadau cenedlaethol sydd mewn grym i helpu amddiffyn y cyhoedd yn ystod y sefyllfa ddyrys hon,” meddai datganiad gan y Cyngor.

“Fodd bynnag, ni fyddwn yn meddwl ddwywaith cyn defnyddio’n pwerau gorfodi i roi stop ar y busnesau hynny sy’n torri’r rheoliadau, ac rydym yn gweithio’n agos â chydweithwyr o Heddlu Gogledd Cymru ar achosion o’r fath…

“Mae’n hanfodol fod pawb ohonom yn dilyn y cyfarwyddiadau newydd er mwyn sicrhau bod ein Gwasanaethau Iechyd a Gofal yn gallu dygymod â’r effaith sylweddol y bydd y feirws yn ei gael ar drigolion Gwynedd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn