Anifeiliaid coll sŵ Borth yn dychwelyd yn ddiogel

Diweddarwyd am  

Logo’r sw yn Borth

Llun: Borth Wild Animal Kingdom

Mae’r ddau antelop wnaeth ddianc o sŵ Borth yng ngogledd Ceredigion bellach wedi dychwelyd yn ddiogel.

Cafwyd hyd i’r antelop gwrywaidd ddoe (dydd Mercher, Mawrth 25), gyda’r sŵ’n cyhoeddi datganiad ar eu tudalen Facebook yn cadarnhau hynny.

“Rydym wedi lleoli’r fenyw ac mae hi’n agos i’r sw,” meddai’r datganiad ar y pryd.

A bore heddiw (dydd Iau, Mawrth 26), daeth cadarnhad gan y sŵ fod yr antelop benywaidd wedi dychwelyd hefyd.

“Rydym yn falch o gyhoeddi i’n dilynwyr ein bod wedi ail-ddal ein Lewchwe benywaidd,” meddai datganiad ar dudalen facebook y sŵ.

“Unwaith yr oeddem ni wedi ei lleoli, llwyddom i lunio cynllun wnaeth lwyddo i alluogi’r lewchwe i gerdded i mewn i fan diogel o’r sŵ o’i gwirfodd ei hun.”

Amheuon am ddiogelwch

Mae Cyngor Ceredigion wedi codi amheuon am allu’r sŵ i “weithredu’n gyfrifol a diogel”, gan nad dyma’r tro cyntaf i anifeiliaid ddianc oddi yno.

Dihangodd lyncs Ewrasaidd o’r sŵ fis Hydref 2017, a bu’n rhaid eu gwahardd rhag cadw anifeiliaid categori un am gyfnod.

Yn dilyn y digwyddiad yn 2017, llofnododd 12,000 o bobol ddeiseb ar-lein gan Ymddiriedolaeth Lyncs y Deyrnas Unedig yn galw am gau’r sŵ a gafodd ei phrynu gan Dean a Tracy Tweedy am £625,000 yn 2016.

“Fel awdurdod lleol, rydym wedi colli pob hyder yn allu’r sw i weithredu’n gyfrifol ac yn saff,” meddai’r cyngor.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn