Coronafeirws: datgelu’r effaith ar weithwyr y Gwasanaeth Iechyd

 

Mae Dr David Hepburn, sy’n gweithio yn Ysbyty Brenhinol Gwent yng Nghasnewydd, wedi rhannu ei brofiadau o weithio yn yr ysbyty a’i brofiad personol o gael ei heintio â’r coronafeirws.

Mewn fideo ar dudalen Twitter Bwrdd Iechyd Prifysgol Aneurin Bevan, dywed fod y profiad o ddal y feirws yn “hollol ofnadwy”.

“Ar hyn o bryd, mae fy nhîm yn yr uned gofal dwys yn gofalu am lawer o gleifion sy’n ddifrifol wael gyda coronafeirws,” meddai.

“Mae rhai ohonyn nhw’n iau na fi – yn sicr nid pobol fregus nac oedrannus yw’r rhain.

“Maen nhw’n ifanc, maen nhw’n ffit ac mae ganddyn nhw deuluoedd ifanc.”

Symptomau Dr David Hepburn

Eglura Dr David Hepburn yn y fideo na chafodd e beswch o gwbl, ond yn hytrach, fe gollodd ei allu i flasu, ac roedd teimlad o losgi yn ei drwyn.

“O fewn wythnos roeddwn yn teimlo’n hollol ofnadwy,” meddai.

“Cyhyrau poenus, esgyrn poenus a methu â chodi o’r gwely – mi o’n i’n cysgu am 16 i 18 awr y dydd.

“Diolch byth rydw i’n gwella nawr, ond alla i ddim pwysleisio i chi pa mor sâl y gall hyn eich gwneud chi.”

‘Aberth fach yw hon am gyfnod byr’

Mae’r meddyg yn erfyn ar bobol i wrando ar gyngor y llywodraeth er mwyn “amddiffyn pawb”, ac er mwyn “amddiffyn y Gwasanaeth Iechyd.”

“Aberth fach yw hon am gyfnod byr ac yna bydd bywyd yn mynd yn ôl i normal eto,” meddai.

Heddiw (dydd Mercher, Mawrth 25), cadarnhaodd Iechyd Cyhoeddus Cymru fod pump yn rhagor o bobol wedi marw o’r feirws yng Nghymru.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones