Elin Jones yn profi’n bositif am Covid-19

Diweddarwyd  
Wyneb Elin Jones

Elin Jones

Llun: Cynulliad Cenedlaethol Cymru CC 2.0

Mae Llywydd y Senedd, Elin Jones, ymhlith yr achosion newydd o’r coronafeirws sydd wedi eu cadarnhau yng Nghymru heddiw (dydd Mawrth, 24 Mawrth).

Dywed ei bod wedi hunan-ynysu yn ei chartref ers nos Iau, ond bod ei symptomau yn “ysgafn iawn”.

“Roedd fy symptomau mor ysgafn fel y gallwn yn hawdd fod wedi eu hanwybyddu a pherswadio fy hun nad oeddwn i’n risg i unrhyw un,” meddai.

“Dw i mor falch ‘mod i wedi dilyn y cyngor neu fe fedrwn i fod wedi bod yn cerdded o gwmpas Ceredigion yn lledaenu’r feirws.

“Mae’r neges o fy mhrofiad i yn gwbl glir – hyd yn oed gyda’r symptomau ysgafna’ bosib, mae’n rhaid hunan-ynysu. A pheidiwch anwybyddu unrhyw symptom.”

Er bod Aelodau eraill o’r Cynulliad wedi hunan-ynysu am gyfnodau, Elin Jones yw’r gyntaf i gadarnhau iddi brofi’n bositif am y feirws.

“Dw i’n parhau i hunan-ynysu a dilyn canllawiau,” meddai mewn datganiad y pnawn yma.

“Diolch i’r rhai sy’n gweithio yn ein cymunedau a’r rhai sy’n gyfrifol am gymryd y penderfyniadau a fydd yn taclo a threchu’r feirws yma.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones