Ymestyn deddfwriaeth ‘troi allan’ o gartrefi i Gymru

Diweddarwyd  

Julie James

Llun: Cynulliad Cenedlaethol Cymru CC 2.0

Fe fydd deddfwriaeth Brydeinig i atal pobol rhag cael eu troi allan o eiddo cymdeithasol neu wedi’i rentu’n breifat yn cael ei hymestyn i Gymru.

Daw’r cyhoeddiad gan Julie James, y Gweinidog Tai.

Er mwyn osgoi pryderon ymhlith tenantiaid, fydd landlordiaid ddim yn cael dwyn achos i geisio eu troi nhw allan am o leiaf dri mis.

A bydd cyfnod gras o dri mis i dalu morgais yn cael ei ymestyn i landlordiaid sydd â thenantiaid yn wynebu trafferthion ariannol yn sgil y feirws.

‘Gwarchod tenantiaid a landlordiaid’

“Rydyn ni’n gweithredu er mwyn gwarchod tenantiaid a landlordiaid sydd wedi’u heffeithio gan y coronafeirws,” meddai Julie James.

“Tra ei bod hi’n iawn fod tenantiaid yng Nghymru’n elwa ar y mesur yma, mae angen i ni wneud mwy i fynd i’r afael â mater cefndirol, sef fod hysbysiadau meddiannu’n cael eu rhoi yn y lle cyntaf.

“Byddwn ni’n parhau i wneud popeth allwn ni i gefnogi tenantiaid yng Nghymru.

“Mae’n hanfodol nad yw’r un person sy’n rhentu yng Nghymru’n cael eu gorfodi allan o’u cartref yn ystod y cyfnod anodd a digynsail hwn.

“Bydd y mesurau hyn yn lleddfu’r pwysau ar landlordiaid i fodloni taliadau morgais ac yn lleihau’r pwysau ymhellach ar denantiaid o ganlyniad.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn