Coronafeirws: £10m o gymorth brys ar gyfer pobol ddigartref

Diweddarwyd am  

Julie James

Llun: Cynulliad Cenedlaethol Cymru CC 2.0

Mae Julie James, y Gweinidog Tai a Llywodraeth Leol, wedi cadarnhau bod Llywodraeth Cymru am sicrhau bod £10m ar gael i gynghorau yng Nghymru i’w helpu i ddiogelu pobol ddigartref yn ystod pandemig y coronafeirws.

Mae’r cyllid ychwanegol am alluogi awdurdodau lleol i sicrhau’r llety angenrheidiol i ddiogelu a chefnogi pobol sydd heb gartref, a’u hynysu os oes angen.

Gallai hyn gynnwys prynu ystafelloedd gwely a brecwast neu ystafelloedd gwesty, llety myfyrwyr ac eiddo eraill mewn bloc.

Bydd disgwyl i weithwyr proffesiynol yn y sector hwn reoli a chefnogi’r ddarpariaeth.

Camau eraill

Mae Gweinidogion hefyd yn gweithredu i sicrhau bod pobol sydd heb hawl i arian cyhoeddus, megis pobol sydd wedi’u cam-drin yn ddomestig a cheiswyr lloches, yn cael cymorth yn ystod y cyfnod hwn.

Ar hyn o bryd, mae’r gyfraith yn atal Gweinidogion rhag cynnig mathau penodol o gymorth i’r unigolion hyn, gan gynnwys cymorth tai.

Mae cyfarwyddyd wedi’i roi i awdurdodau lleol i ddefnyddio pwerau a chyllid eraill i helpu’r bobol sydd angen lloches a mathau eraill o gymorth yn ystod y pandemig.

“Bydd y £10m o gymorth ariannol rwy’n ei gyhoeddi heddiw yn sicrhau bod pobol sy’n cysgu allan, neu mewn perygl o orfod cysgu allan, a phobol sydd mewn llety anaddas dros dro, yn cael y cymorth a’r adnoddau y maent eu hangen i’w diogelu yn ystod y cyfnod hwn,” meddai’r Gweinidog Tai, Julie James.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones