Gohirio gêm Cymru a’r Alban

Diweddarwyd am  
Tîm rygbi Cymru'n ymarfer

Tîm rygbi Cymru’n ymarfer

Llun: golwg360 / Alun Rhys Chivers

Mae Undeb Rygbi Cymru wedi cadarnhau fod y gêm rhwng Cymru a’r Alban ym Mhencampwriaeth y Chwe Gwlad wedi’i gohirio yn sgil pryderon am coronafeirws.

Roedd y gemau eraill y bencampwriaeth eisoes wedi’u gohirio oherwydd gofidion am yr haint.

Ddydd Iau (Mawrth 12) roedd Plaid Cymru yn galw am ohirio digwyddiadau mawr, gan gynnwys yr ornest yn Stadiwm Principality.

Dyw cyngor swyddogol Llywodraeth y Deyrnas Unedig ar dorfeydd mawr o bobl yn Lloegr a Chymru heb newid, er bod penderfyniad wedi ei gymryd ddydd Iau (Mawrth 12) i symud mewn i gyfnod “oedi” wrth ddelio â’r firws.

Mae nifer o ddigwyddiadau chwaraeon, gan gynnwys cystadleuaeth y Pro14 a gêm bêl-droed gyfeillgar Cymru a’r Unol Daleithiau eisoes wedi’u gohirio oherwydd coronafeirws.

Mae arweinydd Plaid Cymru, Adam Price wedi galw am ganslo digwyddiadau torfol a gemau chwaraeon er mwyn cyfyngu ymlediad yr haint.

Ac aeth ymlaen i alw am becyn o fesurau, gan gynnwys galw ar bobl i weithio o adref pan yn bosib, cynyddu’r profion iechyd, a chau ysgolion a cholegau.

Nid yw’n glir eto pryd fydd gêm olaf Cymru yn y bencampwriaeth yn cael ei chynnal.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones