Rhybudd oren fod rhagor o law i ddod i rannau o Gymru

Diweddarwyd am  

Mae rhannau o Gymru wedi cael eu taro gan ragor o law trwm, ychydig wythnosau’n unig ar ôl i Storm Dennis achosi difrod aruthrol – ac mae mwy o law ar y ffordd.

Mae rhybudd oren mewn grym i rannau o’r canolbarth a’r gogledd-orllewin, gyda llifogydd cyflym a dwfn yn achosi “perygl i fywyd”.

Mae disgwyl i ardaloedd megis Llanfair-ym-muallt a’r Drenewydd, sydd eisoes wedi eu difrodi gan lifogydd, gael eu heffeithio’n waeth, gyda pherygl o ddifrod i dai a busnesau.

Gwelodd Pantmawr 23.8mm o law mewn oddeutu pedair neu bum awr brynhawn dydd Llun (Mawrth 9) ac mae rhai ardaloedd ar dir uwch yn disgwyl gweld hyd ar 100mm o law.

Mae’r rhybudd oren mewn grym tan 10yb ddydd Mawrth (Mawrth 10), ac mae toriadau i gyflenwadau pŵer ac oedi i deithwyr yn debygol.

Mae rhybudd melyn, sydd radd yn is na rhybudd oren, mewn grym mewn ardaloedd ar hyd a lled y wlad tan 12 o’r gloch canol dydd ar ddydd Mawrth (Mawrth 10).

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn