Rheolau effeithlonrwydd ynni: gallai landlordiaid gael eu cosbi

 

Julie James

Llun: Cynulliad Cenedlaethol Cymru CC 2.0

Bydd yn rhaid i landlordiaid Cymru sicrhau bod eu heiddo sy’n cael ei rentu’n breifat yn bodloni safonau effeithlonrwydd ynni gofynnol o Ebrill 1 ymlaen.

Mae eiddo domestig sy’n cael ei rentu’n breifat yng Nghymru yn cael eu rheoli gan y Safonau Effeithlonrwydd Ynni Gofynnol.

Rhaid cael Tystysgrif Perfformiad Ynni gradd E neu uwch ar eiddo o’r fath i gydymffurfio â’r gyfraith.

Bydd landlordiaid sy’n gosod eiddo dan denantiaeth ddomestig am dymor byr, tymor hir neu denantiaeth dymor byr sicr yn cael eu heffeithio gan y newid.

Ers Ebrill 1, 2018, roedd yn ofynnol i gytundebau tenantiaeth a ddaeth i rym neu a gafodd eu hadnewyddu ar ôl y dyddiad hwnnw fodloni’r lefelau gofynnol newydd ar unwaith.

Mesurau newydd

O Ebrill 1 eleni, bydd y ddeddfwriaeth yn ymestyn i gynnwys tenantiaethau sydd eisoes yn bodoli.

Mae hyn yn golygu bod unrhyw eiddo rhent preifat nad yw’n bodloni’r gofynion sylfaenol yn anghyfreithlon, a gall y landlord gael dirwy o hyd at £5000, a bydd methu â bodloni’r safonau gofynnol yn peryglu trwydded y landlordiaid hefyd.

Mae Rhentu Doeth Cymru wedi bod yn gweithio i weld pa eiddo ar eu cronfa ddata sy’n methu bodloni’r safon ofynnol ar hyn o bryd.

Bydd landlordiaid eiddo sy’n methu cydymffurfio yn cael eu hatgoffa am eu dyletswydd i gydymffurfio, ac yn cael cynnig cymorth drwy eu cyfeirio at gynlluniau allai eu helpu.

“Rydyn ni am sicrhau bod cartrefi Cymru yn arbed ynni,” meddai Julie James, y Gweinidog Tai.

“Bydd y safonau newydd a gyflwynwyd dros yr ychydig flynyddoedd diwethaf yn sicrhau bod pobl sy’n rhentu cartrefi yng Nghymru yn manteisio ar gartrefi cynhesach, a fydd yn helpu i ostwng costau ynni ac yn helpu i amddiffyn yr amgylchedd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn