Gareth Thomas yn ymddiheuro am ei ymateb i ffrae genitalia

 

Gareth Thomas

Llun: Tsange CC 2.5 trwy Gomin Wicimedia

Mae Gareth Thomas wedi ymddiheuro am ei ymateb ar ôl i Joe Marler, prop Lloegr, gyffwrdd genitalia Alun Wyn Jones, capten Cymru, yn Twickenham ddoe (dydd Sadwrn, Mawrth 7).

Roedd cyn-gapten tîm rygbi Cymru, sy’n hoyw ac yn byw â chyflwr HIV, yn y stiwdio fel dadansoddwr ITV ar gyfer yr ornest ym Mhencampwriaeth y Chwe Gwlad.

Roedd Alun Wyn Jones i’w weld yn grac yn dilyn y digwyddiad.

“Fyddai hynny fyth wedi digwydd yn fy nyddiau i,” meddai Gareth Thomas.

“Pe bai e yn digwydd, fyddwn i byth wedi ymddeol!”

Mae ei sylwadau wedi ennyn ymateb cymysg ar y cyfryngau cymdeithasol, gyda rhai yn gweld yr ochr ddoniol ond eraill yn dweud bod y sylwadau’n “warthus”.

‘Byddwch yn garedig’

“I’r lleiafrif bach IAWN o bobol oedd wedi’u sarhau gan fy sylw ddoe, dw i’n ymddiheuro,” meddai ar Twitter.

“Fe wnes i geisio darganfod hiwmor mewn sefyllfa – dydy hynny ddim yn meddwl fy mod i’n ei gymeradwyo, mae’n golygu nad o’n i am iddo fod yn fater o bwys.

“Felly peidiwch â newid y naratif er mwyn cyfiawnhau sut rydych chi’n teimlo.

“Byddwch yn garedig.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones