Byddai talu i wylio gemau’n “drychineb” i rygbi yng Nghymru

Diweddarwyd  
Rygbi Cymru

Tîm rygbi Cymru’n canu’r anthem genedlaethol

Llun: Flickr Marc (trwydded gyhoeddus)

Byddai symud gemau i wasanaeth darlledu talu-yn-unig yn “ddim llai na thrychineb” i rygbi yng Nghymru, yn ôl Aelod Seneddol Plaid Cymru, Liz Saville-Roberts.

Fe fu’n ymateb i’r sïon y gall fod yn rhaid i gefnogwyr rygbi dalu i wylio Pencampwriaeth y Chwe Gwlad ar ôl eleni.

Ar hyn o bryd mae’r hawl i ddarlledu’r gemau rygbi wedi ei rhannu rhwng y BBC ac ITV.

Ond mae’n debyg na fydd cais ar y cyd yn cael ei ganiatáu y tro nesaf.

Cyhoeddodd Adam Price ar Twitter dros y penwythnos fod y blaid wedi cysylltu â San Steffan i gyfleu eu hanniddigrwydd am y datblygiadau.

“Mae’n eironi chwerw wrth i ni ddathlu Gwyl Ddewi ein bod ni’n darganfod fod posibilrwydd y byddwn ni’n fuan iawn yn cael ein prisio allan o’n diwylliant ein hunain” meddai Adam Price.

‘Rhan annatod o ddiwylliant a hunaniaeth Cymru’

“Wedi’r cyfan, mae yna lawer yng Nghymru sydd ddim yn gallu fforddio teledu lloeren ac nid yw gwylio’r gemau mewn tafarn bob amser yn bosib i bawb,” meddai Liz Saville-Roberts wrth golwg360.

“Mae’r Chwe Gwlad a’r gêm rygbi ei hun yn rhan annatod o ddiwylliant a hunaniaeth Cymru.

“Galwaf ar Lywodraeth y Deyrnas Unedig i restru gemau’r Chwe Gwlad fel rhan o ‘Grŵp A’, digwyddiad sydd yn warantedig am ddim os gosodir tâl am wylio’r gemau.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn