Storm Jorge: cyhoeddi digwyddiad difrifol yn y de

Diweddarwyd am  

Roedd Heddlu’r De wedi cyhoeddi digwyddiad difrifol fore heddiw (dydd Sadwrn, Chwefror 29) yn sgil llifogydd dros nos yn y de o ganlyniad i Storm Jorge.

Ond maen nhw bellach yn dweud nad yw’n cael ei ystyried yn ddigwyddiad difrifol.

Fe fu’r gwasanaethau brys, awdurdodau lleol, byrddau iechyd, Cyfoeth Naturiol Cymru a chwmnïau ynni i gyd yn ceisio sicrhau diogelwch a lles y rhai sydd wedi cael eu heffeithio.

Derbyniodd y gwasanaeth tân 72 o alwadau rhwng 6 o’r gloch neithiwr (nos Wener, Chwefror 28) a 6 o’r gloch fore heddiw (dydd Sadwrn, Chwefror 29), a’r achosion gwaethaf unwaith eto yn ardaloedd Pontypridd a Chaerdydd.

Mae’r heddlu’n diolch i’r holl wasanaethau brys a’r cyrff fu’n cydweithio â nhw, gan ddweud bod disgwyl i lefelau afonydd ostwng “cyn bo hir”, ond maen nhw’n rhybuddio am ddŵr ar y ffyrdd ac yn cynghori pobol i beidio â theithio “oni bai bod gwir angen”.

Cyngor

 Mae’r heddlu hefyd wedi cyhoeddi cyngor i bobol sy’n byw mewn ardaloedd lle mae llifogydd, sef:

  • arhoswch dan do oni bai bod gwir angen teithio
  • cadwch draw o beryglon fel afonydd
  • ffoniwch 999 mewn argyfwng, a gadewch i’r gwasanaethau brys ymdrin â pheryglon
  • cadwch lygad ar y cyfryngau a’r cyfryngau cymdeithasol am y wybodaeth ddiweddaraf

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn