Coronavirus: gwyddonwyr Cymru “yn paratoi’n dda” rhag ofn

 

Mae gwyddonwyr yng Nghymru “yn paratoi’n dda” rhag ofn y bydd achosion o’r coronavirus yn y wlad, yn ôl gwyddonydd sy’n cydlynu’r ymateb.

Does dim achosion wedi bod hyd yn hyn, ond mae Dr Robin Howe wedi bod yn egluro’r drefn sydd yn ei lle fel rhagofal.

“Heddiw (25 Chwefror), mae Adran Iechyd a Gofal Cymdeithasol y DU wedi cyhoeddi’r cyngor diweddaraf i deithwyr sy’n dychwelyd,” meddai.

“Byddem yn annog teithwyr i wirio’r cyngor diwygiedig, sydd bellach yn cynnwys canllawiau i deithwyr sy’n dychwelyd o Iran, Gogledd yr Eidal, De Corea, Fietnam, Cambodia, Laos, a Myanmar.

“Rydym yn gweithio’n agos gyda gwledydd eraill y DU, Llywodraeth Cymru, y GIG ehangach yng Nghymru, ac eraill i fonitro’r achos o’r Coronavirus Nofel (COVID-19) yn Tsieina, ac rydym wedi gweithredu ein hymateb a gynlluniwyd.

“Rydym wedi paratoi’n dda, ac mae mesurau rheoli heintiau cadarn ar waith i ddiogelu iechyd y cyhoedd.

“Mae pob un o drigolion Cymru sy’n bodloni’r meini prawf profi presennol ar gyfer Coronavirus Nofel (COVID-19) yn cael cynnig profion.

“Mae’r prawf diagnostig ar gyfer Coronavirus Nofel (COVID-19) wedi’i ddatblygu bellach yn labordy firoleg arbenigol Iechyd Cyhoeddus Cymru yn Ysbyty Athrofaol Cymru, Caerdydd.

“Mae gwyddonwyr hyfforddedig Iechyd Cyhoeddus Cymru bellach yn cynnal y prawf arbenigol yng Nghymru – gan sicrhau ein bod wedi paratoi’n dda os byddwn yn gweld achosion yng Nghymru.”

Beth sydd wedi’i ddweud yng Nghymru eisoes?

Mae yna ddatblygiadau dyddiol mewn achosion o Coronavirus erbyn hyn, gydag achosion mwy diweddar yng ngogledd yr Eidal a Tenerife.

Ar Chwefror 21, gwnaeth Dr. Frank Atherton, Prif Swyddog Meddygol Cymru, ddatganiad ar ran y Llywodraeth i’r wasg.

“Er bod yr achosion o’r coronafeirws yn Tsieina yn cynyddu, ynghyd â nifer y gwledydd sydd wedi’u heffeithio oherwydd bod y feirws wedi’i gludo yno, cymedrol yw’r risg i’r cyhoedd o hyd,” meddai.

“Hyd yma yng Nghymru rydym wedi darparu gwasanaeth asesu a phrofi i fwy na 200 o bobl ac roedd canlyniad pob un ohonynt yn negatif ar gyfer coronafeirws.

“Er hynny, mae Iechyd a Gofal Cymdeithasol Cymru yn gwneud yn siŵr, pe bai’r feirws COVID-19 yn lledaenu yng Nghymru, bod ein cynlluniau ymateb yn gadarn ac yn realistig.

“I gefnogi hyn, rydym wedi bod yn gweithio gyda phrif weithredwr GIG Cymru i gynnull Grŵp Cynllunio ac Ymateb Iechyd a Gofal Cymdeithasol ar gyfer COVID-19.”

Yn ôl Iechyd Cyhoeddus Cymru, mae’n nhw’n diweddaru eu gwefan gyda gwybodaeth gyfredol am achosion ym Mhrydain a Chymru am 3 o’r gloch bob dydd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones