Holi dau gafodd eu harestio yng Nghaergybi ar amheuaeth o lofruddio

 
Heddlu West Midlands

Heddlu West Midlands

Llun Flickr yr heddlu

Mae dau ddyn a gafodd eu harestio ar amheuaeth o lofruddiaeth ddwbwl yn dilyn cyrch ar ffatri ganabis yng Nghaergybi yn parhau i gael eu holi yn y ddalfa.

Bu farw dau ddyn, Khuamiah Douglas, 19 oed o Moseley, a Waseem Ramzan, 26 oed, ar ôl iddyn nhw gael eu trywanu yn ystod lladrad yn ardal Dudley yng nghanolbarth Lloegr fore dydd Iau (Chwefror 20).

Cafodd dau ddyn, 21 a 23 oed, eu harestio ym mhorthladd Caergybi fore ddoe (dydd Sadwrn, Chwefror 22), ac maen nhw’n cael eu holi ar amheuaeth o gynllwynio i ladrata.

Mae dyn 19 oed yn cael ei holi ar amheuaeth o lofruddio a chynllwynio i ladrata.

Dywed yr heddlu eu bod nhw’n credu bod saith dyn wedi targedu’r eiddo lle’r oedd y ffatri ganabis, ac mae lle i gredu iddyn nhw gael eu herio wrth fynd i mewn.

Cafodd dau ddyn eu trywanu yn ystod ffrwgwd ar y stryd, lle’r oedd car hefyd mewn gwrthdrawiad â cherbydau eraill.

Yn ôl tystion, cafodd yr eiddo ei ddifrodi cyn i ddynion redeg i ffwrdd yn cario planhigion.

Teyrnged i Waseem Ramzan

Mae teulu Waseem Ramzan, un o’r dynion fu farw, wedi rhoi teyrnged iddo.

Maen nhw’n gofyn i bobol “gofio amdano wrth weddïo”.

Mae’r heddlu’n dal ar y safle, ac mae disgwyl i archwiliadau post-mortem gael eu cynnal maes o law.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones