Pryderon llifogydd yn dwysáu yn y canolbarth

Diweddarwyd  

Llifogydd yn Nyffryn Conwy, fore Sadwrn, 22 Chwefror 2020

Llun: Huw Prys Jones

Er bod pryderon am lifogydd wedi lleihau mewn sawl rhan o’r gogledd, mae’r sefyllfa wedi dwysáu yn y canolbarth yn ystod y dydd.

Mae bellach saith o rybuddion coch – sy’n galw am weithredu ar unwaith – mewn grym yn nyffrynnoedd Hafren ac Efyrnwy yng ngogledd Powys.

Mae rhybuddion tebyg yn nyffryn Dyfrdwy hefyd islaw Llangollen ac ym Mangor Is-y-Coed.

Ar y llaw arall, cafodd saith o rybuddion gwyliadwriaeth llifogydd eu dileu yn ystod y dydd o dref Llanrwst a chymunedau eraill yn nyffryn Conwy, dalgylchoedd afonydd Clwyd, Elwy a Gele ac ardal Dolgellau.

Mae wyth rhybudd gwyliadwriaeth o’r fath yn dal mewn grym yn y Bala a dalgylchoedd afonydd Dyfi, Dysynni, Mawddach ac Wnion, Glaslyn a Dwyryd, Conwy a Dyfrdwy Uchaf.

Yn y cyfamser, parhau mewn grym mae rhybudd melyn am law trwm yn holl siroedd y de a’r canolbarth ac eithrio Sir Benfro. Fodd bynnag, mae disgwyl y bydd y gwaethaf drosodd erbyn canol y bore, gan fod y Swyddfa Dywydd wedi newid yr amser y daw i ben o 3 y pnawn i 11 y bore.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones