Carcharu dyn o Aberystwyth am werthu cyffuriau

Diweddarwyd am  

Mae dyn 49 oed o Aberystwyth wedi’i ddedfrydu i chwe blynedd o garchar ar ôl cyfaddef bod â heroin yn ei feddiant gyda’r bwriad o werthu.

Cafodd Gary Bagnall ei arestio ar drên fis Hydref diwethaf, wrth deithio yn ôl i Aberystwyth o ardal West Bromwich.

Ar ôl cael ei arestio, fe wnaeth yr heddlu ddarganfod bag plastig yn cynnwys 3.29g o heroin a fu yn ei feddiant. Daeth yr heddlu hefyd o hyd i eitemau yn ymwneud â chyffuriau a brofodd yn bositif o weddillion heroin yng nghartref Gary Bagnall.

Dangosodd ei gofnodion ffôn symudol iddo deithio 26 o weithiau i ardaloedd y Trallwng, Wrecsam a Smethwick rhwng mis Awst a Hydref gyda’r bwriad o ddod hyd i gyffuriau i’w dosbarthu ymlaen yn ardal Aberystwyth.

“Rhybudd i eraill”

Dywedodd yr Heddwas, Samuel Garside: “Mae mynd i’r afael â mater cyflenwi cyffuriau yn ein cymunedau yn flaenoriaeth i’r heddlu yng Ngheredigion.

“Rwy’n gobeithio y bydd hyn yn rhybudd i eraill sy’n dymuno dod â chyffuriau i mewn i ardal Ceredigion.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn