Codi arian i helpu dioddefwyr llifogydd

Diweddarwyd  

Michael Sheen

Llun: iDominick CC 2.0 trwy Gomin Wicimedia

Mae’r actor Michael Sheen wedi lansio ymgyrch crowdfunding i helpu pobl ac ardaloedd sydd wedi cael eu taro gan lifogydd ledled Cymru.

“Mae ffrindiau a theulu imi wedi dioddef yn ne Cymru a’m gobaith i yw y gallwn godi arian i helpu gyda’r ymdrechion achub,” meddai’r actor sy’n enedigol o Port Talbot.

Fe ddaeth i enwogrwydd am ei ran yn y ffilm Frost/Nixon ac am chwarae rhan Tony Blair, a thros y blynyddoedd diwethaf mae hefyd wedi bod yn flaenllaw mewn ymgyrchoedd gwleidyddol.

“Er mor dorcalonnus yw gweld lluniau’r difodiant sy’n cael ei achosi gan y llifogydd, dw i hefyd yn cael fy atgoffa pam dw i’n caru’r genedl hon gymaint,” meddai.

“Dw i’n gweld pobl yn gweithio gyda’i gilydd i helpu eu ffrindiau a’u cymdogion. Dw i’n gweld cymunedau’n dod at ei gilydd ac yn helpu ei gilydd.

“Er mwyn parhau’r gwaith hanfodol yma, mae’r grwpiau a’r sefydliadau sy’n helpu pobl Cymru angen ein cymorth ar frys.”

Bydd yr holl arian a gaiff ei godi o’r ymgyrch yn mynd at Gyngor Gweithredu Gwirfoddol Cymru – mudiad y mae Michael Sheen wedi bod yn llywydd arno ers 2017.

Fe fydd wedyn yn cael ei ddosbarthu i gymunedau ledled Cymru gyda’r flaenoriaeth i’r rheini sydd wedi cael eu taro waethaf.

Gellir cyfrannu at y gronfa ar www.gofundme.com/helpwalesafterstormdennis

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones