Gwaith diogelu rhag llifogydd yn cychwyn yn Y Felinheli

Diweddarwyd am  
Y Felinheli

Y Felinheli

Llun: Cyngor Gwynedd

Mae gwaith atal llifogydd gwerth £700,000 wedi cychwyn yn Felinheli er mwyn diogelu cartrefi a busnesau.

Mae’r prosiect wedi’i ariannu ar y cyd gan Gyngor Gwynedd a Llywodraeth Cymru.

Bwriad Cynllun Diogelu Llifogydd Glan y Môr yw darparu gwell amddiffynfeydd i gartrefi, busnesau a’r briffordd rhag llifogydd, yn ogystal â’r risg sy’n dod gyda lefelau’r môr yn codi.

Cwmni adeiladwaith OBR o Dalwrn, Ynys Môn, sydd wedi cael eu dewis i wneud y gwaith.

Roedd i fod i ddechrau ar y safle o ddydd Llun, 10 Chwefror, ond mae effeithiau’r stormydd yn golygu fod y gwaith wedi cael ei symud yn ôl i wythnos nesaf.

Mae’n debyg y bydd y cynllun wedi’i gwblhau erbyn mis Mehefin.

‘Prosiect pwysig’

“Rydw i’n falch iawn fod cyllid wedi ei sicrhau ar gyfer y prosiect pwysig yma yn Felinheli,” meddai’r Cynghorydd Catrin Wager.

“Mae’r ardal yma o’r pentref wedi cael llifogydd o’r Fenai sydd gerllaw ac mae hyn wedi achosi risg i eiddo yn yr ardal.

“Bydd y cynllun yma yn golygu adeiladu morglawdd newydd, wedi’i osod yn ôl o’r draethlin – ochr yn ochr â ffordd Glan y Môr ei hun.

“Mae gwaith i wella draenio ar waelod Ffordd Pen Ceunant hefyd yn rhan o’r prosiect.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones