Rhybudd rhag prynu tŷ yn ddamweiniol

 

Llun: CCO

Mae rhybudd i bobol sydd yn defnyddio asiantaethau tai ar-lein eu bod nhw mewn perygl o brynu neu werthu tŷ ar ddamwain – wrth ddilysu cytundeb, yn ddiarwybod iddyn nhw, gan ddefnyddio llofnod e-bost.

Daw’r rhybudd ar ôl achos diweddar pan ddyfarnodd barnwr fod llofnod o’r fath wedi dilysu cytundeb cyfreithlon, a arweiniodd at y gwerthwr yn colli £25,000 o’r pris gofyn.

Dywedodd y barnwr fod enw’r un oedd yn anfon yr e-bost – er efallai mai un wedi ei gynhyrchu yn awtomatig oedd hi – yn ddigon i ddangos fod ganddo “fwriad clir” i gysylltu ei hun â’r cytundeb a’i ddilysu.

“Mae llofnodion e-bost personol yn dod yn fwyfwy poblogaidd wrth i bobol geisio brandio’u hunain a chreu eu presenoldeb ar-lein,” meddai Zoe Stollard o gwmni Clarke Willmott LLP.

Mae’n dweud fod hyn, yn ymarferol, yn golygu bod telerau neu newidiadau i gytundebau sydd yn cael eu cytuno drwy e-bost agored yn cael eu cyfri fel cytundeb pendant os oes llofnod i’r e-bost, er efallai nad oes copïau caled o’r dogfennau.

“Gall yr achos yma osod cynsail wrth i’r gyfraith ddal i fyny gyda thechnoleg ac er fod y dyfarniad yn dangos symudiad blaengar wrth adael i bobl greu cytundebau clwm heb yr angen i gyfnewid cytundebau wedi eu hargraffu, mae hefyd yn rybudd i’r anfonwr i gymryd gofal,” meddai.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones