Coeden i leihau ôl-troed rhedwyr

 

Tim Lloyd a Geraint Hughes yn edrych ymlaen at y ras

Llun: Hanner Marathon Môn

Eleni bydd Hanner Marathon Môn yn rhoi’r dewis i redwyr i blannu coeden yn hytrach na derbyn crys-T y digwyddiad.

Bwriad y syniad sy’n cael ei ddisgrifio fel un “newydd ac arloesol” yw lleihau ôl troed ecolegol y rhedwyr.

Yn ôl Tim Lloyd, Cyfarwyddwr Always Aim High Events, sy’n trefnu’r ras: “Gan weithio gyda’r elusen ‘Size of Wales’ rydym yn cynnig dewis i’r rhedwyr eleni.”

Mae’r elusen yn ariannu prosiectau plannu coed a diogelu fforestydd ar draws y byd, a hyd yma wedi plannu dros 10 miliwn o goed, ac yn anelu i blannu 25 miliwn erbyn 2025.

Dywedodd Geraint Hughes o gwmni Jones Crisps, noddwyr y ras, eu bod nhw’n falch o allu “cefnogi’r syniad yma, a hyrwyddo dewisiadau amgen a chynaliadwy.”

Mae 1,600 o redwyr eisoes wedi cofrestru ar gyfer yr hanner marathon sy’n cael ei gynnal ddydd Gŵyl Dewi.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones