£500,000 ychwanegol i gynghorau tref a chymuned

 

Cyfrifon

Mae’r Gweinidog Llywodraeth Leol, Julie James wedi cyhoeddi heddiw (Chwefror 12) bod Llywodraeth Cymru yn rhoi £500,000 o gyllid ychwanegol i Gynghorau Tref a Chymuned yng Nghymru.

Bwriad y cyllid ychwanegol yw helpu cynghorau i lywodraethu eu hunain yn well, gan gynnwys cynyddu hyfforddiant i glercod a chynghorwyr.

Dywed Llywodraeth Cymru y bydd hyn yn helpu i “osod sylfaen gref at y dyfodol.”

Mae’r buddsoddiad yn dod ar ben y cymorth blynyddol a roddir i’r sector gan Lywodraeth Cymru eisoes.

Bydd yn cefnogi’r meysydd y mae Julie James wedi ymrwymo i weithredu arnynt yn sgil cyhoeddi’r Panel Adolygu Annibynnol ar Gynghorau Cymuned a Thref yng Nghymru.

Mae’r cyhoeddiad yn dilyn adroddiad 2018-19 oddi wrth Archwilydd Cyffredinol Cymru, a ddywedodd bod gormod o gynghorau yn dal yn brin o gyrraedd y safon ddigonol o ran cadw cyfrifon.

Dywed y Gweinidog Llywodraeth Leol, Julie James: “Bydd y cyllid ychwanegol rwyf yn ei gyhoeddi heddiw yn helpu cynghorau tref a chymuned ledled Cymru i gryfhau eu gallu rheoli a llywodraethu.

“Mae cynghorau cymuned a thref yn rhan annatod o lywodraeth leol, a bydd y cyllid hwn yn helpu i sicrhau bod gan yr holl gynghorau’r modd i fodloni eu gofynion statudol a bod ganddynt lywodraethiant cryf i gefnogi eu cymunedau.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn