Llifogydd Llanrwst: “hanfodol” cynnal ymchwiliad, medd Lesley Griffiths

Diweddarwyd  
Achubwyr yn Llanrwst

Achubwyr yn Llanrwst ar ôl llifogydd storm Ciara

Llun: Huw Prys Jones

Mae Lesley Griffiths yn dweud ei bod yn “hanfodol” cynnal ymchwiliad yn dilyn llifogydd mewn sawl cymuned yn y gogledd yn sgil Storm Ciara.

Dywed Gweinidog yr Amgylchedd y bydd hi’n ymweld â’r cymunedau hynny ddiwedd yr wythnos, gan “gydymdeimlo’n fawr â’r sawl sydd wedi’u heffeithio”.

Mewn datganiad, mae’n diolch i’r awdurdodau fu’n cynnig cefnogaeth i gymunedau Llanrwst, Llanfair Talhaearn, Trefriw, Dinbych, Bae Colwyn a Llanelwy.

Mae’n dweud bod buddsoddi mewn amddiffynfeydd yn y gorffennol yn golygu nad oedd y llifogydd “mor eang ag a welwyd yn ystod y blynyddoedd diwethaf”, a bod hynny’n “arwydd o sut mae ein buddsoddiad mewn rheoli risg llifogydd… yn helpu i warchod cartrefi pobol”.

“Mae’n hanfodol ymchwilio i’r llifogydd a ddigwyddodd, a dysgu gwersi er mwyn gwarchod ein cymunedau ymhellach,” meddai.

“Mater i’r awdurdodau lleol nawr yw ymchwilio ac adrodd am eu canlyniadau a’u hargymhellion, ar y cyd â Chyfoeth Naturiol Cymru a rhanddeiliaid eraill.

“Dw i’n deall fod Conwy a Sir Ddinbych eisoes yn paratoi eu hymchwiliadau.”

Mae’n dweud ei bod hi’n barod i ystyried ceisiadau am nawdd i gefnogi gwaith adfer ac i leihau’r risg fod llifogydd yn digwydd eto.

‘Rhaid dangos ymrwymiad i wario a gweithredu’

 Wrth ymateb i’r datganiad, dywed Huw Prys Jones, Maer Llanrwst fod angen i Lywodraeth Cymru ymrwymo i “wario a gweithredu”.

“Mi fydd trigolion a busnesau Llanrwst yn falch o’r cyfle i drafod eu pryderon efo’r Gweinidog fel ei bod yn gweld drosti ei hun faint y difrod,” meddai.

“Ond mi fydd yn rhaid iddi hefyd ddangos ymrwymiad i wario a gweithredu oherwydd fydd geiriau gwag yn dda i ddim i neb.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn