Storm Ciara: problemau teithio’n parhau yng Nghymru

 

Pont Britannia

Llun: Ian Warburton ar www.geograph.co.uk

Mae problemau teithio’n parhau yng Nghymru heddiw (dydd Mawrth, Chwefror 11) wrth i bobol geisio dygymod â dinistr Storm Ciara.

Mae disgwyl i deithwyr ddefnyddio Pont Tywysog Cymru ar yr M4 yn hytrach na Phont Hafren yr M48, sydd yn dal wedi’i chau.

Mae cyfyngiadau cyflymder o 30 milltir yr awr ar yr A55 ger Pont Britannia yn sgil gwyntoedd cryfion.

Mae cyfyngiadau yno hefyd ar deithio gyda charafanau, beiciau modur a beiciau.

O ran y trenau, mae gwasanaeth Dyffryn Conwy wedi’i ganslo, gyda gwasanaeth bws rhwng Cyffordd Llandudno a Blaenau Ffestiniog yn ei le, a bydd gwasanaeth bws o’r Amwythig i Aberystwyth, ac o Fachynlleth i Bwllheli.

Yn ôl Parc Cenedlaethol Eryri, mae coed wedi’u dadwreiddio ar hyd Llwybr Mawddach, sydd wedi’i gau i’r cyhoedd am “ddiwrnod neu ddau” rhwng Pont y Wernddu a Llynpenmaen.

Ysgol y Creuddyn

Mae Ysgol y Creuddyn yng Nghonwy yn dal wedi’i chau oherwydd difrod mawr i’r safle.

“Mae Swyddogion ALl a Chontractwyr wedi ymweld â’r ysgol heddiw er mwyn gwneud asesiad o gyflwr y to yn dilyn Storm Ciara,” meddai’r ysgol mewn datganiad.

“Maent wedi gallu atgyweirio rhannau o’r to er mwyn sicrhau eu bod yn ddiogel. Yn anffodus, mae’r gwyntoedd cryf yn golygu nad oedd bosib iddynt asesu mannau penodol o’r to.

“Mae hyn yn golygu bod y risg sylweddol y gall fwy o lechi ddisgyn.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones