Neil McEvoy am lansio plaid newydd yn y gwanwyn

Diweddarwyd am  
Llun: WNP

Logo’r Welsh National Party

Mae’r Aelod Cynulliad annibynnol Neil McEvoy wedi cyhoeddi y bydd yn lansio plaid newydd yn y gwanwyn.

Welsh National Party (WNP) yw enw Saesneg y blaid hon, mi fydd yn cael ei lansio yng Nghaerdydd ar Ebrill 3, ac mae’n gobeithio herio seddi ledled Cymru yn etholiad Cynulliad 2021.

Mae’r cais am enw Cymraeg y blaid ‘Plaid Genedlaethol Cymru’ – sef enw gwreiddiol Plaid Cymru – yn dal i fod dan ystyriaeth gan y Comisiwn Etholiadol.

Yn ôl Neil McEvoy, mae’r WNP yn gobeithio “rhoi pŵer yn ôl yn nwylo’r bobol” a hynny ar “lefel yr unigolyn, cymuned, ac yn genedlaethol”.

“Sefyll ar ein traed”

“Rydym mewn sefyllfa lle’r ydym wedi cael yr un dwy blaid yn llywodraethu Cymru ers dwy ddegawd,” meddai arweinydd yr WNP.

“Maen nhw wedi colli cysylltiad yn llwyr â’r cyhoedd, ac felly mae’n rhaid i gyfundrefn Llafur/Plaid Cymru ddod i ben.

“Mae gennym gyfle yn awr i sefyll ar ein traed ein hunain, i gael plaid sydd yn adlewyrchu’r Gymru fodern yr ydym yn byw ynddi, ac i weld Cymru’n esgyn i’r llwyfan rhyngwladol lle ddylai hi fod.”

Neil McEvoy

Cafodd yr Aelod Cynulliad ei wahardd o Blaid Cymru ym mis Mawrth 2018 am – yng ngeiriau’r Blaid –   “dorri cyfres o reolau sefydlog y blaid”.

Byth ers hynny mae wedi parhau’n Aelod Cynulliad annibynnol, ond yn etholiad Cynulliad 2021 mae disgwyl iddo herio etholaeth Gorllewin Caerdydd yn ymgeisydd WNP.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn