Ysgol breswyl ddim am anfon disgyblion adref i Tsieina

Diweddarwyd am  

Fydd disgyblion o Tsieina ddim yn gadael safle ysgol breswyl yn Nhrefynwy ar gyfer gwyliau hanner tymor yn sgil y coronavirus.

Mae disgyblion Ysgolion Trefynwy Haberdashers fel arfer yn mynd adref ar gyfer y gwyliau ym mis Chwefror.

Ond mae’r pennaeth James Murphy-O’Connor yn dweud y byddan nhw’n aros ar y pum safle yng Nghymru.

“Fel teulu o ysgolion, rydyn ni wedi bod yn monitro datblygiad y coronavirus newydd yn Tsieina yn agos iawn,” meddai.

“Rydyn ni’n cefnogi’n holl blant a rhieni o dramor yn ystod y cyfnod anodd hwn, pan fo cymaint o ansicrwydd o hyd ynghylch cyfyngiadau teithio tramor posib er mwyn cyfyngu faint mae’r firws yn lledu.

“Yn wyneb y cyngor diweddaraf gan y Swyddfa Dramor, bydd ein preswylwyr o Tsieina yn aros yn Deyrnas Unedig gyda’u gwarcheidwaid dros hanner tymor.

“Ein prif flaenoriaeth yw iechyd a lles pob aelod o’r ysgol a’r gymuned leol ehangach.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones