Y trafferthion yn parhau yn dilyn Storm Ciara

Diweddarwyd am  
Pont Llanrwst

Pont Llanrwst

Llun: Huw Prys Jones

Parhau mae’r trafferthion ar draws Cymru ddydd Llun (Chwefror 10) yn dilyn Storm Ciara dros y penwythnos.

Mae ymdrechion yn parhau i ail-gysylltu’r trydan i gartrefi ar hyd a lled Cymru ac mae 13 rhybudd llifogydd mewn grym.

Mae Cyngor Sir Conwy wedi cyhoeddi y bydd nifer o ysgolion ynghau heddiw gan gynnwys Ysgol Dyffryn Conwy, Ysgol y Creuddyn, Ysgol Penmachno, Ysgol Talhaearn ac Ysgol Eglwysbach.

Yn Sir Ddinbych mae’r cyngor wedi agor canolfan argyfwng yn y ganolfan hamdden ar ôl i Heddlu Gogledd Cymru symud tua 50 o bobol o faes carafanau Spring Gardens a thai yn Stryd y Felin yn Llanelwy.

Mae nifer o ffyrdd yn parhau ynghau a bu’n rhaid i’r heddlu achub gyrrwr lori ar yr A525 ger Wrecsam.

Llanrwst

Mae difrod sylweddol wedi bod yn Llanrwst gyda dŵr afon yn llifo i mewn i nifer o fusnesau a chartrefi yn Stryd yr Orsaf.

“Roedd y dŵr i fyny at fy mhengliniau i… Ers 1998 ’da ni erioed wedi cael llifogydd fel hyn ac mae wir wedi effeithio ni a’r swyddi yma’n go fawr,” meddai Osian Deiniol sy’n aelod o’r teulu sy’n berchen cwmni Blas ar Fwyd yn Llanrwst wrth siarad ar y Post Cyntaf ar BBC Radio Cymru.

Mae’r Swyddfa Dywydd wedi darogan y bydd problemau teithio’n parhau.

“Tra mae Storm Ciara’n cilio, dyw hynny ddim yn golygu ein bod ni’n dechrau ar gyfnod mwy sefydlog,” meddai’r Swyddfa Dywydd.

“Mae’n mynd i fod yn ansefydlog iawn.”

Trafnidiaeth

Mae Trafnidiaeth Cymru wedi annog teithwyr i wirio os yw eu gwasanaeth trenau wedi’u heffeithio cyn teithio ddydd Llun.

Mae gwasanaeth Dyffryn Conwy wedi cau gyda gwasanaeth bws rhwng Cyffordd Llandudno a Blaenau Ffestiniog yn cymryd ei le, a bydd gwasanaeth bws yn cael ei gynnal o’r Amwythig i Aberystwyth ac o Fachynlleth i Bwllheli.

Mae’n debyg y bydd dwyrain Abertawe a dwyrain Cymru yn profi problemau yfory (Chwefror 11) gyda’r llanw’n codi a gwyntoedd cryfion yn hyrddio’r arfordir dros nos.

 

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn