Gwyliau yn Ewrop ar yr agenda er gwaetha’ ansicrwydd Brexit

 

Mae mwy na hanner pobol Cymru yn bwriadu teithio i Ewrop eleni, er gwaetha’r ansicrwydd ynghylch Brexit.

Yn ôl arolwg diweddar mae teithio i Ewrop ar fryd 55% o Gymry, ac mae 30% yn dweud nad yw’r cyfandir wedi colli’i apêl yn sgil yr ymadawiad.

Mae 23% yn dweud bod ganddyn nhw fwy o ddiddordeb teithio i lefydd y tu allan i Ewrop o gymharu â phum mlynedd yn ôl.

Ac mae 31% wedi syrffedu cymaint â Brexit maen nhw’n bwriadu mynd i lefydd tramor mor aml ag sy’n bosib er mwyn osgoi clywed amdano.

“Poeni am effaith Brexit”

Cafodd 2,000 o oedolion o’r Deyrnas Unedig eu holi gan WeSwap, y cyfnewidwyr arian, fel rhan o’r arolwg.

“Er bod y syniad o Brexit yn codi ofn ar lawer o bobol sy’n mynd ar wyliau, mae ein hymchwil yn dangos bod pobol yn dal yn bwriadu mynd ar wyliau i Ewrop eleni,” meddai eu Prif Swyddog Marchnata, Rob Tross.

“Heb os, efallai bod yna bobol sydd yn poeni am effaith Brexit ar eu gwyliau. Ond mae yna cymaint o ffyrdd o hyd er mwyn sicrhau nad ydych [trwy gyfnewid arian] yn gwario mwy na sydd angen tros y gaeaf.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones