Rhoi ysgol Gymraeg ar werth mewn ocsiwn yn Llundain

Diweddarwyd  

Abertawe

Llun: Jakejakegarner, CC 4.0 trwy Gomin Wicimedia

Mae ffrae wedi codi rhwng Cyngor Abertawe a thrigolion pentref Felindre ar gyrion y ddinas dros werthiant safle ysgol Felindre mewn ocsiwn yn Llundain.

Mae Ysgol Gynradd Gymraeg Felindre yn y Parsel Mawr, sef y gymuned â’r ganran uchaf o siaradwyr Cymraeg yn Sir Abertawe – 38.% o’i chymharu ag 11% ledled y sir.

Yn ôl trigolion Felindre, sy’n awyddus i weld y safle’n cael ei hadnewyddu a pharhau fel ysgol, dyw’r cyngor ddim wedi ymgynghori â’r gymuned ynghylch yr ocsiwn, sy’n cael ei gynnal ar Chwefror 13.

Roedd Angharad Dafis eisoes wedi cwyno wrth y Comisiynydd Iaith a oedd yn feirniadol o’r cyngor am gau’r ysgol heb ddigon o ymgynghori ac ystyriaeth i’r effaith ar y Gymraeg.

Wrth ymateb iddi roedd y Comisiynydd wedi dweud: “Yr unig gasgliad y gellir dod iddo yw y gallasai’r penderfyniad fod wedi bod yn wahanol i’r un a wnaed.”

Mewn llythyr i Gyngor Abertawe, dywed Angharad Dafis: “Ysgrifennaf atoch i ofyn a yw’r Cyngor wedi ymgynghori â’r gymuned yn Felindre ynghylch effaith y penderfyniad hwn ar y Gymraeg, ac a yw wedi gwneud asesiad o’r effaith honno? Ni allaf ganfod tystiolaeth ar wefan y Cyngor fod hyn wedi digwydd.”

Ymatebodd y Cyngor drwy ddweud: “Yn dilyn penderfyniad yr awdurdod addysg i gau Ysgol Gynradd Gymraeg Felindre, nid oes angen yr eiddo ar Gyngor Abertawe mwyach ac felly nid yw’n ymarferol i gadw’r eiddo na buddsoddi ynddo oherwydd ei oedran a’i gyflwr.”

Mae Angharad Dafis nawr yn galw i’r Comisiynydd Iaith gael y grym i atal cau ysgolion gwledig Cymraeg nes bod yr ymchwiliad wedi ei gwblhau, yn ogystal â’r grym i wyrdroi’r penderfyniad lle nad yw’r broses wedi cael ei ddilyn yn gywir.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones