Addewid am 91 o swyddi newydd mewn cwmni meddygol

 
Ken Skates, Ysgrifennydd Economi Cymru

Ken Skates, Ysgrifennydd Economi Cymru

Llun: Cynulliad Cenedlaethol Cymru CC 2.0

Mae Llywodraeth Cymru wedi buddsoddi £650,000 mewn cwmni meddygol sy’n addo creu 91 o swyddi newydd dros y tair blynedd nesaf.

Mae Williams Medical Supplies o Gaerffili yn cyflogi 178 o bobl, lleol yn bennaf, a bydd y nifer yma’n codi i 269 gyda help y buddsoddiad newydd.

Cafodd y cwmni ei sefydlu yn 1986, a nhw erbyn hyd ydi prif gyflenwyr y farchnad feddygol ym Mhrydain.

“Mae Williams Medical Supplies yn arweinwyr yn eu maes ac mae cyhoeddiad heddiw am sicrhau y byddan nhw yn parhau fel cyflogwyr amlwg yn yr ardal am flynyddoedd i ddod,” meddai Gweinidog yr Economi, Ken Skates.

“Mae ystadegau diweddar yn dangos fod diweithdra yng Nghymru ar ei isaf ers blynyddoedd ac mae’r cyhoeddiad hwn yn adlewyrchiad o sut mae Llywodraeth Cymru yn cefnogi busnes ac yn creu mwy o swyddi.”

Wrth groesawu’r buddsoddiad, meddai Hugh Hamer, Rheolwr Gyfarwyddwr Williams Medical Supplies:

“Mae gennym gynlluniau ehangu uchelgeisiol yma, ac mae’n gyffrous i weld buddsoddiad yn ei hadran yn Rhymni i gefnogi hyn. Mae cefnogaeth Llywodraeth Cymru i Williams a’r gymuned ehangach yn elfen allweddol i lwyddiant y prosiect.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones