Coronavirus: stondinwraig marchnad Aberystwyth wedi’i thrin yn “warthus”

Diweddarwyd  

Mae cynghorydd tref Aberystwyth ar Gyngor Sir Ceredigion yn dweud wrth golwg360 bod y driniaeth o stondinwraig ym marchnad Aberystwyth sy’n hanu o Taiwan yn “warthus”.

Roedd Su Chu Lu, sy’n 54 oed, newydd ddychwelyd o’i mamwlad ac yn gweithio yn y farchnad pan ddaeth pobol ati a dweud ei bod hi’n rhoi pobol mewn perygl o gael eu heintio â coronavirus.

Ond yn Tsieina, ac nid yn Taiwan, mae’r firws ar hyn o bryd.

Mae hi’n cyhuddo stondinwyr o gynnal cyfarfod gyda’r bwriad o’i hatal rhag dychwelyd at ei stondin, ond mae stondinwyr eraill yn ei chefnogi ac wedi gosod posteri yn y farchnad yn dweud hynny.

Ymateb

Ar dudalen Facebook y farchnad, mae nifer o bobol wedi bod yn datgan eu cefnogaeth i Su Chu Lu gan ddweud bod y driniaeth ohoni’n “anwybodus a gwarthus”.

“Gobeithio fod gennych chi gywilydd,” meddai’r sylw wedyn.

Yn ôl cynghorydd yn Aberystwyth, mae’r driniaeth ohoni’n annheg.

“Yn amlwg, dw i’n meddwl ei fod e’n warthus beth sydd wedi digwydd,” meddai Ceredig Davies, dyn busnes yn y dref sy’n cynrychioli’r dref ar y Cyngor Sir, wrth golwg360.

“Does gan bobol ddim syniad sut mae pethau fel hyn yn effeithio pobol yn unigol.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones