Cynnydd yn y gefnogaeth i annibyniaeth i Gymru “yn galonogol”

Diweddarwyd am  
Annibyniaeth

Baner annibyniaeth yng ngorymdaith Pawb Dan Un Faner yng Nghaerdydd

Llun: Yes Cymru Abertawe

Mae mudiad Yes Cymru yn dweud bod y cynnydd yn y gefnogaeth i annibyniaeth i Gymru “yn galonogol”.

Yn ôl arolwg gan YouGov, mae mwy o bobol o blaid gadael y Deyrnas Unedig ers yr etholiad cyffredinol ym mis Rhagfyr.

O ddileu’r rhai na fydden nhw’n pleidleisio, y rhai sy’n ansicr a’r rhai oedd yn gwrthod ateb, mae’r pôl yn awgrymu y byddai 27% o’r Cymry o blaid annibyniaeth pe bai refferendwm yn cael ei gynnal.

22% oedd y ffigwr ym mis Rhagfyr, yn ôl YouGov.

Bydd gorymdeithiau annibyniaeth yn cael eu cynnal yn Wrecsam (Ebrill 18), Tredegar (Mehefin 6) ac Abertawe (Medi 5) eleni.

“Mae’n galonogol iawn gweld i’r cynnydd yn y nifer sy’n cefnogi annibyniaeth yn 2019 barhau i’r flwyddyn newydd,” meddai Siôn Jobbins, cadeirydd Yes Cymru.

“Yn wir, bu cynnydd o 5% yn y gefnogaeth o’i gymharu ag arolwg blaenorol YouGov/ITV, a gynhaliwyd ar drothwy etholiad cyffredinol y Deyrnas Gyfunol ym mis Rhagfyr.

“Er bod llawer o bobol i’w hargyhoeddi o hyd, mae 27% o blaid annibyniaeth… yn sylfaen gadarn i adeiladu arni ym mlwyddyn gyntaf y degawd newydd.”

Pam nawr?

Yn ôl Siôn Jobbins, mae sawl rheswm pam y dylid cynnal refferendwm annibyniaeth yng Nghymru ar hyn o bryd.

“Mae Cymru ar fin colli £5bn i brosiect gwastraffus HS2 tra bod ein rhwydwaith reilffyrdd yn crebachu,” meddai.

“Mae un o bob tri o’n plant yn byw mewn tlodi.

“Ond mae gan Gymru y potensial i fod yn wlad gyfoethog – mae gennym ddwywaith cymaint o drydan nag yr ydym yn ei ddefnyddio ac mae gennym 15% o botensial ynni llanw Ewrop.

“Mae San Steffan yn cadw Cymru’n dlawd.

“Gyda refferendwm annibyniaeth yr Alban i’w gynnal yn ystod yr ychydig flynyddoedd nesaf, a thebygolrwydd y bydd Iwerddon yn uno, mae angen i Gymru fod yn barod i fynnu’r un statws yn wleidyddol ag sydd ganddi ym myd rygbi a phêl-droed: annibyniaeth.

“Bydd Yes Cymru yn parhau i weithio trwy gydol 2020 i argyhoeddi pobol bod Cymru well yn bosibl, bod Cymru annibynnol yn bosibl.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn