Canu caneuon gwrth-Gymreig a gwrth-Seisnig yn “blentynnaidd”

Diweddarwyd am  

Cwpan Lloegr

Llun: The Football Association

Mae canu caneuon gwrth-Gymreig a gwrth-Seisnig mewn gemau pêl-droed yn “blentynnaidd”, yn ôl llefarydd ar ran criw o gefnogwyr tîm Caerdydd.

Daw’r ymateb yn dilyn cadarnhad fod cefnogwyr y ddau dîm wedi cael eu harestio gan Heddlu Thames Valley ar amheuaeth o “sarhad hiliol” yn ystod gêm rhwng Caerydd a Reading yng Nghwpan FA Lloegr brynhawn ddoe (dydd Sadwrn, Ionawr 25).

Y gred yw fod y troseddau’n ymwneud â chanu caneuon at gefnogwyr y naill dîm a’r llall, a bod stiwardiaid yn Stadiwm Madejski wedi rhoi gwybod i’r heddlu am sawl digwyddiad.

Mae’r ddau glwb wedi ymateb i’r newyddion fod yr heddlu a Chymdeithas Bêl-droed Lloegr yn cynnal ymchwiliad.

‘Trosedd hiliol? Go brin’

Yn ôl llefarydd ar ran Ymddiriedolaeth Cefnogwyr Caerdydd, ddylai cefnogwyr yn canu caneuon yn sarhau ei gilydd ddim cael ei hystyried yn “drosedd”.

Ond ar yr un pryd, mae’n dweud nad oes lle i “unrhyw hiliaeth na homoffobia”.

“Lle’r o’n i’n sefyll yng nghanol y dorf gyda chefnogwyr Caerdydd, oni bai am y caneuon gwrth-Seisnig arferol, doedd dim byd yn wahanol i unrhyw gêm Caerdydd arall y tymor hwn,” meddai wrth golwg360.

“Yn bersonol, mae canu am Loegr fel hyn, i fi, yn blentynnaidd.

“Ond o ystyried y caneuon a’r gweiddi gwrth-Gymreig a geir pob tro mae Caerdydd yn chwarae, go brin mai trosedd hiliol yw hyn.

“Nid yw’r Ymddiriedolaeth na’r clwb, nac yn wir y teulu pêl-droed, am ddioddef unrhyw hiliaeth na homoffobia.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones