Gerald Corrigan ‘wedi cael ei saethu o’r tu ôl i wal’

 

Gerald Corrigan: Llun teulu

Llun y teulu drwy law Heddlu’r Gogledd

Mae llys wedi clywed fod y cyn-ddarlithydd Gerald Corrigan wedi cael ei saethu â bwa saeth o’r tu ôl i wal y tu allan i’w gartref ger Caergybi yng nghanol y nos.

Mae’r erlynwyr yn yr achos yn Llys y Goron yr Wyddgrug yn dadlau mai ymosodiad oedd wedi’i gynllunio ymlaen llaw oedd ei lofruddiaeth.

Mae Terence Whall, therapydd chwaraeon 39 oed, yn gwadu llofruddio ar Ddydd Gwener y Groglith y llynedd.

Roedd y dyn 74 oed wedi gadael ei gartref i drwsio disgl lloeren pan gafodd ei saethu a chlywodd y llys fod rhywun yn aros amdano.

Bu farw yn yr ysbyty ar Fai 11 yn sgil difrod i’w organnau.

Daethpwyd o hyd i Land Rover Discovery Emma Roberts, partner Terence Whall, wedi’i losgi bythefnos ar ôl iddo gael ei holi gan yr heddlu am fod â sawl bwa saeth yn ei feddiant.

Cafodd teclyn llywio lloeren ei ddinistrio yn y tân, ond llwyddodd yr heddlu i ddod o hyd i dystiolaeth fod y cerbyd y tu allan i gartref Gerald Corrigan cyn ei farwolaeth, ac yna ar draeth Porthdafach.

Cafodd y car ei adael ger y traeth ac roedd yn dal yno ar y noson tan ryw 12 munud ar ôl yr ymosodiad, ac mae’r erlynwyr yn honni bo Terence Whall wedi cerdded o’r traeth i gartref Gerald Corrigan.

Mae Darren Jones (41), Martin Roberts (34) a Gavin Jones (36) yn gwadu cynllwynio i wyrdroi cwrs cyfiawnder a chynllwynio i roi Land Rover ar dân, ac mae Terence Whall yn honni bod y cerbyd wedi cael ei ddwyn cyn noson yr ymosodiad.

Mae Martin Roberts a Darren Jones yn gwadu rhoi eiddo ar dân.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones