Llywodraeth Cymru am gyflwyno safonau llym ar gartrefi newydd

 
Rhes o dai ar hanner eu hadeiladu

Tai newydd

Llun: Paul Harrop CCA 2.0

Mae Llywodraeth Cymru wedi amlinellu cynigion newydd fyddai’n ei gwneud yn ofynnol i bob cartref newydd yng Nghymru gael gwres ac ynni o ffynonellau ynni glân o 2025 ymlaen.

Mae cynigion yr ymgynghoriad, a gyflwynwyd gan Julie James, y Gweinidog Tai, yn rhan o gynlluniau ehangach Llywodraeth Cymru i fynd i’r afael â’r argyfwng hinsawdd.

Dywedodd Julie James: “Mae tai newydd a thai sydd eisoes wedi eu hadeiladu yn gyfrifol am tua phumed o allyriadau nwyon tŷ gwydr y Deyrnas Unedig.

“Os ydym am gyrraedd ein targed uchelgeisiol, sef sicrhau gostyngiad o 95% yn ein hallyriadau nwyon tŷ gwydr erbyn 2050, rhaid inni weithredu nawr.”

“Nid yn unig y bydd y mesurau hyn yn helpu i fynd i’r afael â newid yn yr hinsawdd, ond byddant hefyd yn helpu i sicrhau costau ynni isel”.

I fynd i’r afael â hyn, mae Llywodraeth Cymru yn cynnig cyflwyno safonau llym ar gartrefi newydd dros y pum mlynedd nesaf.

Dyma rai o’r cynigion:

  • Gwella effeithlonrwydd ynni o 2020 ymlaen gan arwain at ostyngiad o 37% yn CO2 tai newydd, gan arbed £180 y flwyddyn ar filiau ynni i berchnogion tai (ar sail tai pâr).
  • Cael gwared ar danwyddau ffosil carbon uchel a symud at ffyrdd glanach o wresogi ein cartrefi.
  • Gwella effeithlonrwydd ynni drwy gyflwyno mesurau sy’n cyfyngu ar y gwres sy’n cael ei golli a lleihau’r galw am wres.
  • Gwella ansawdd aer drwy sicrhau bod aer yn cyrraedd ac yn gadael man neu fannau mewn adeilad gan ddarparu ansawdd aer da.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn