Liz Saville Roberts yn cynnig bod yn “llais cefndir” i Dafydd Iwan

Diweddarwyd am  

Liz Saville Roberts AS

Llun: Chris McAndrew CC2.0 trwy Gomin Wicimedia

Mae Liz Saville Roberts, a’i thafod yn ei boch, wedi cynnig bod yn “llais cefndir” i Dafydd Iwan, ar ôl i fideo ohoni’n canu ‘Yma O Hyd’ yn Nhŷ’r Cyffredin ledu ar wefan Twitter.

Roedd hi’n ymateb i sylw gan June James (@JuneArcadia), oedd yn dweud y gallai Aelod Seneddol Dwyfor-Meirionnydd ganu’r gân yn llawn yng ngorymdaith annibyniaeth Wrecsam ar Ebrill 18.

“Byddai’n fraint cael bod yn llais cefndir i’r prif leisydd Dafydd Iwan,” meddai wrth ymateb.

Wrth drafod y gân yn Nhŷ’r Cyffredin, eglurodd ei bod yn trafod “ymosodiadau diddiwedd ar Gymru”, ac awgrymodd ei bod yn bryd “diweddaru’r geiriau” i ddweud “er gwaetha’r hen Foris a’i griw”.

Aeth yn ei blaen i ganu’r llinell “Dan ni yma o hyd”. 

Fe wnaeth y Llefarydd Lindsay Hoyle dorri ar ei thraws a dweud wrth David TC Davies, 

“Dewch ymlaen Weinidog, atebwch” cyn ychwanegu y byddai’n rhaid symud y drafodaeth yn ei blaen.

Y drafodaeth

Daeth y ‘perfformiad’ yn ystod trafodaeth ar gronfa newydd sydd wedi’i sefydlu i rannu llewyrch gwledydd Prydain yn sgil Brexit.

Roedd Liz Saville Roberts yn gofyn am sicrwydd nad dim ond ardaloedd “sydd wedi’u lliwio’n las” ar fap Cymru, hynny yw yn seddi Ceidwadol, fyddai’n elwa o’r gronfa. 

Dywedodd y dylid “adeiladu cenedl gyfan”, gan gynnwys rheilffordd o’r de i’r gogledd “fel 

na fyddai’n rhaid teithio drwy’r wlad drws nesaf”.

Dywedodd David TC Davies, Gweinidog Cymru, fod y Llywodraeth Geidwadol wedi ymrwymo i sicrhau na fydd Cymru ar ei cholled o gwbl o ganlyniad i Brexit.

 

Cerddoriaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones