Plaid Cymru’n llongyfarch Dafydd Iwan yn San Steffan

Diweddarwyd  
Dafydd Iwan

Dafydd Iwan yn annerch rali tros annibyniaeth yng Nghaernarfon

Llun: Stand Up For Wales / Sefyll Lan Dros Gymru

lMae Dafydd Iwan wedi cael ei longyfarch yn San Steffan ar lwyddiant diweddaraf ‘Yma O Hyd’ yn y siartiau Prydeinig.

Fe ddaw yn dilyn ymgyrch i sicrhau bod y glasur gan gyn-lywydd Plaid Cymru, a gafodd ei chyhoeddi gyntaf yn 1983, yn cyrraedd y siartiau.

Mae hi eisoes wedi cyrraedd brig y siartiau lawrlwytho ar Amazon ac iTunes, gan sicrhau lle iddi yn 100 ucha’r siartiau ganol wythnos Prydeinig.

Fe fydd cadarnhad ddiwedd yr wythnos hon ym mha safle fydd y gân yn y siartiau diweddaraf dydd Sul, ar ôl iddi gyrraedd rhif 90 erbyn heddiw (dydd Mawrth, Ionawr 14).

Cafodd yr ymgyrch ei sbarduno gan Yes Cymru, wrth i ymgyrchwyr geisio sicrhau bod y gân wleidyddol yn efelychu’r gân Wyddelig ‘Come Out Ye Black and Tans’ gan y WolfeTones. 

Y cynnig

Mae’r cynnig gan bedwar aelod seneddol Plaid Cymru “yn llongyfarch y canwr-gyfansoddwr Cymraeg poblogaidd Dafydd Iwan ar gyrraedd rhif un yn siart ganeuon iTunes y Deyrnas Unedig gyda’i anthem eiconig Yma O Hyd”.

Daw’r llwyddiant diweddaraf, meddai’r cynnig, “37 o flynyddoedd ers iddi gael ei rhyddhau gyntaf”.

Dywed fod y gân “yn dathlu goroesiad yr iaith Gymraeg a’r diwylliant dros y canrifoedd, gan ysbrydoli adfywiad yn y gefnogaeth i’r iaith sydd wedi arwain at dair Deddf Seneddol gan gynnwys Deddf Llywodraeth Cymru 1998, a sefydlodd Gynulliad Cenedlaethol Cymru”.

Mae’r cynnig “yn canmol y mudiad annibyniaeth Yes Cymru a’u cefnogwyr am eu hymgyrch lwyddiannus” wrth guro Stormzy a Lewis Capaldi.

Dywed y cynnig ymhellach fod Plaid Cymru “yn edrych ymlaen at lwyddiant o’r newydd i’r gân wrth ysbrydoli gwytnwch parhaus yr iaith Gymraeg a’i diwylliant”.

Cerddoriaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones