Canolfan ganser Castell-nedd yn gostwng amserau aros o 92%

Diweddarwyd am  
Canser y pancreas

Canser y pancreas

Mae canolfan ganser yn Ysbyty Castell-nedd Port Talbot wedi llwyddo i ostwng amserau aros o 92% yn ei blwyddyn gyntaf.

Mae ymchwil yn dangos fod cleifion a aeth at eu meddygon teulu â symtomau wedi cael eu hanfon i’r ganolfan er mwyn cael diagnosis mwy cyflym.

Mae’r ganolfan, sydd o dan ofal Bwrdd Iechyd Prifysgol Bae Abertawe, wedi llwyddo i dorri amserau aros i lai na chwe niwrnod i bobol sydd â symtomau canser, cyflwr arall neu sydd wedi cael profion gwaed nad ydyn nhw’n dangos symtomau i fod yn ofalus yn eu cylch.

Rhwng Mehefin 2017 a Mai 2018, cafodd 189 o gleifion eu hanfon i’r ysbyty gan feddyg teulu, sy’n cyfateb i 2.78 o gleifion bob hanner diwrnod yn y clinig a gafodd ei gynnal ddwywaith yr wythnos.

Cafodd 23 o gleifion oedd wedi’u hamau o fod â chanser, 30 â chyflwr arall a 68 heb fod unrhyw beth amlwg yn eu profion gwaed ddiagnosis o fewn 5.9 niwrnod ar gyfartaledd.

Cafodd y rhai y bu’n rhaid cynnal profion pellach ar eu cyfer ddiagnosis o fewn cyfartaledd o 40.8 diwrnod, yn hytrach na’r 84.2 diwrnod y tu allan i’r ganolfan.

Gall diagnosis hwyr arwain at fwy o bobol yn marw, mae triniaethau’n fwy costus erbyn hynny a gall effeithio ar ansawdd bywydau cleifion yn sylweddol.

Gall fod yn anodd dod o hyd i sawl math o ganser, gan fod symtomau’n debyg i gyflyrau eraill a dydyn nhw ddim o reidrwydd yn derbyn triniaeth frys.

Er nad oedd y ganolfan yn gost effeithiol yn ystod ei blwyddyn gyntaf, mae mwy o gleifion yn mynd iddi erbyn hyn ac mae’n dechrau dwyn ffrwyth i gleifion sy’n derbyn gofal mwy cyflym nag y bydden nhw mewn canolfannau eraill.

Er bod gan awduron yr ymchwil bryderon am gost ehangu’r ganolfan, maen nhw bellach yn dweud bod y canlyniadau’n arwydd y dylid cynnig mwy o wasanaethau yno ac y gallai ddisodli gwasanaethau canser eraill yn y pen draw.

Maen nhw’n dweud y byddai ehangu’r ganolfan o fudd i gleifion, meddygon teulu a’r Gwasanaeth Iechyd.

 

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones