Rhun ap Iorwerth yn canmol Stormzy i’r cymylau

Diweddarwyd am  

Dylai “pob gwleidydd” wrando ar albwm gyntaf y rapiwr Stormzy, yn ôl Aelod Cynulliad Ynys Môn.

Cafodd Gang Signs and Prayer ei chyhoeddi yn 2017 gan saethu i frig y siartiau, a bu’n gyfrifol am boblogeiddio cerddoriaeth grime.

Mae rapwyr grime yn aml yn trafod trais, serch, a chaledi bywyd dinesig Llundain; a bellach mae wedi dod i’r amlwg bod Rhun ap Iorwerth yn edmygu’r math yma o gerddoriaeth.

“Wnes i wrando ar albwm Stormzy, Gang Signs and Prayer, yn ei gyfanrwydd am y tro cyntaf y bore yma,” meddai mewn neges ar Twitter. “Dylai pob gwleidydd wneud hynny.

“Gwrandewch arno – gwleidyddiaeth ydyw. Bywyd, trallod, cymuned, teulu, tlodi, gobaith, anobaith, cariad, grit, bod yn benderfynol, a llawer mwy. Yn amlwg, mae’n ffrwydro’r meddwl yn gerddorol hefyd.”

Ymatebion

Ymhlith y rheiny sydd wedi ymateb i’r neges a rhannu eu hoffter o Stormzy mae’r Ombwdsmon Gwasanaethau Cyhoeddus, Nick Bennett; a chyn-ymgeisydd Plaid Cymru yn yr Etholiad Ewropeaidd, Carmen Smith.

“Rhun ap Grime!” meddai un arall ar twitter, tra bod un arall wedi rhannu neges chwareus yn awgrymu bod Rhun ap Iorwerth yn ceisio bod ar yr un donfedd â’r genhedlaeth iau.

Stormzy

Dyw’r byd gwleidyddol ddim yn estron i Stormzy, neu Michael Ebenazer Kwadjo Omari Owuo Jr.

Bu’n frwd o blaid Jeremy Corbyn pan geisiodd am arweinyddiaeth y Blaid Lafur, ac mae wedi bod yn hynod feirniadol o Boris Johnson, y Prif Weinidog.

Mae wedi beirniadu ymateb y Llywodraeth i drychineb Tŵr Grenfell, a thaniodd ffrae rhyngddo ef a Michael Gove, y gwleidydd Ceidwadol, y llynedd.

Mi ymwelodd Stormzy â siop recordiau yng Nghaerdydd yr wythnos hon gan ddenu miloedd.

https://twitter.com/RhunapIorwerth/status/1215248788971048961

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones