Liberty Steel am dorri 70 swydd yng Nghasnewydd

Diweddarwyd  

Dur

Llun: CC0 trwy www.pixabay.com

Mae Liberty Steel Group wedi cyhoeddi eu bod yn bwriadu cael gwared ar swyddi 70 o’i gweithwyr yng Nghymru.

Yn ogystal â’r swyddi yng Nghasnewydd, mae’r cwmni dur hefyd yn ystyried torri 280 o swyddi yn Stocksbridge, de Swydd Efrog.

Daw’r cam yn sgil adolygiad o waith y cwmni ledled y Deyrnas Unedig, ac mae’r busnes wedi cynnig  colli gwaith gwirfoddol i rai o’u gweithwyr.

Ymatebion

“Mae ein gweithwyr yn haeddu gwell na hyn,” meddai Ross Murdoch, swyddog cenedlaethol undeb y GMB. 

“Gwlad sydd yn siŵr o fethu yw gwlad sydd ddim yn cynhyrchu dur ei hun ar gyfer prosiectau isadeiledd mawr, ac adeiladu llongau.”

“Mae hyn yn gyfnod o ofid iawn i’r gweithwyr a’u teuluoedd yn y safle yng Nghasnewydd, ac yn y safleoedd mwy yn ne Swydd Efrog,” meddai Russell George, llefarydd economi y Ceidwadwyr Cymreig.

“Penderfyniad anodd”

“Yn anffodus mae’r diwydiant dur yn y Deyrnas Unedig yn wynebu amodau heriol ac rydym wedi cymryd y penderfyniad anodd bod angen lleihau’r gweithlu mewn llond llaw o safleoedd er mwyn eu gwneud nhw’n fwy cynaliadwy yn yr hir dymor,” meddai Cornelius Louwrens, Prif Weithredwr Liberty Steel Group. 

“Ers y dechrau, rydym wedi eisiau osgoi gorfodi diswyddiadau.”

Arian a Busnes

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones