Teithwyr trenau yn wynebu “blwyddyn newydd wael”

Diweddarwyd  
Llun o

Mae esgusodion Trafnidiaeth Cymru am ansawdd eu gwasanaeth yn y flwyddyn newydd yn “hollol annerbyniol”, yn ôl Aelod Cynulliad.

Ers dechrau’r ddegawd hon mae gwasanaethau’r cwmni wedi profi llu o drafferthion, ac mae teithwyr ledled y wlad wedi wynebu oedi.

Mewn neges ar eu cyfrif Twitter maen nhw’n beio diffyg staff am broblemau, ac yn nodi bod “salwch hir dymor, hyfforddi ychwanegol, a chyfnod Nadolig” wedi cyfrannu at hyn.

Bellach mae’r Aelod Cynulliad Ceidwadol, Russell George, wedi eu lambastio, gan ddweud bod cymudwyr Cymru’n wynebu “blwyddyn newydd wael”.

“Mae’r esgusodion sydd wedi’u cynnig … yn annerbyniol,” meddai. “Dw i’n beio camreoli, cynllunio gwael, a diffyg dealltwriaeth o broblemau tymhorol sy’n effeithio trafnidiaeth trenau…

“Mae’n hen bryd bod Llywodraeth Llafur Cymru, ac yn benodol y Gweinidog tros Drafnidiaeth [Ken Skates], yn cymryd y llyw ac yn rheoli ein gwasanaethau rheilffyrdd.”

Y problemau hyd yma

Fore heddiw cafodd gwasanaethau ar gledrau Maesteg a Glyn Ebwy eu canslo, gan achosi trafferthion i deithwyr.

Cafodd trenau eu canslo yng ngorsaf Pontypridd, ac mae adroddiadau bod teithwyr wedi cael eu rhwystro rhag defnyddio pob un o gerbydau gwasanaeth Abercynon.

Ddoe bu’n rhaid i Drafnidiaeth Cymru oedi gwasanaethau gorsaf Pengam, yn Sir Caerffili, ac mae’n debyg bod gwresogydd trên wedi mynd ar dân yno.

Dywedodd llefarydd ar ran Llywodraeth Cymru: “Rydym yn buddsoddi £5bn i weddnewid gwasanaethau rheilffyrdd Cymru.  Rydym yn gweithio gyda Trafnidiaeth Cymru i wella gwasanaethau ar ôl degawd o esgeulustod a thanfuddsoddi gan Lywodraeth y DU.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones