Nigel Owens yn arwain miloedd o redwyr yn Aberpennar

Diweddarwyd am  

Nigel Owens yn ei chanol hi ar y cae rygbi

Y dyfarnwr rygbi Nigel Owens oedd y rhedwr dirgel neithiwr (Rhagfyr 31) yn y ras flynyddol yn Aberpennar i gofio am Guto Nyth Bran.

Heidiodd miloedd o bobol i’r strydoedd ar gyfer y ras sy’n dathlu camp Griffith Morgan a oedd, yn ôl chwedloniaeth, wedi rhedeg saith milltir o Aberpennar i Bontypridd ac yn ôl cyn i degell ei fam ferwi.

Bob blwyddyn, mae’r ras yn dechrau wrth i’r rhedwr dirgel gludo ffagl drwy’r dref ar ôl mynd at fedd Guto Nyth Bran.

Dechreuodd y cyfan gyda thân gwyllt cyn i ras y plant rhwng naw a 15 oed ddechrau.

“Mae Nigel Owens MBE yn un o’r personoliaethau sy’n cael ei ddathlu fwyaf yn y byd rygbi a chwaraeon yn gyffredinol,” meddai’r Cynghorydd Ann Crimmings, sy’n gyfrifol am yr Amgylchedd, Hamdden a Threftadaeth ar Gyngor Rhondda Cynon Taf.

“Mae’n ennyn parch ac edmygedd sylweddol ar y cae ac oddi arno am ei wybodaeth chwaraeon, ei agwedd deg a’r safiad mae’n ei gymryd yn erbyn rhagfarn – yn enwedig yn y gymuned LGBT.

“Rydym yn falch o’i groesawu fel Rhedwr Dirgel yn Rasys Ffordd Nos Galan 2019 ac rydym yn gwybod y bydd gwylwyr, hen ac ifanc, wrth eu boddau o gael ymuno â’r fath eicon yn y digwyddiad hwn.

“Rydym yn diolch iddo am ymuno â ni eleni yn Aberpennar ar Nos Calan i ddod â hud a lledrith i Rasys Ffordd Nos Galan.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones