Rhewi cyllideb y Gymraeg yn gyfwerth â “thoriad”, yn ôl ymgyrchwyr

Diweddarwyd am  

Llun: CC0

Mae peidio â chynyddu gwariant ar y Gymraeg yn gyfwerth â thoriadau, yn ôl Cymdeithas yr Iaith.

Cafodd cyllideb ddrafft £20 biliwn Llywodraeth Cymru ei chyhoeddi ar ddechrau’r wythnos, ac amlinellodd ymrwymiad i gadw gwariant ar y Gymraeg yn £20.9m am gyfnod 2020-21.

Ond pryder y mudiad iaith yw bod yna bwysau cynyddol ar fudiadau sy’n dibynnu ar y cyllid yma – mae Urdd Gobaith Cymru, a’r Eisteddfod Genedlaethol yn eu plith.

Ac mae hyn oll, yn eu barn nhw, yn golygu bod gwariant ar y Gymraeg yn cwympo mewn termau real gan £400,000 neu 1.6%.

“Mae rhewi’r gyllideb yn golygu toriad mewn gwirionedd achos chwyddiant,” meddai David Williams o Gymdeithas yr Iaith.

“Mae pob adran wedi derbyn cynnydd eithaf sylweddol yn ei chyllideb, sy’n fwy na chwyddiant, ond eto, mae’r Gymraeg yn dioddef toriadau.

“Onid yw’n anfon neges nad yw Llywodraeth Cymru yn meddwl bod y Gymraeg yn flaenoriaeth? Sut ar wyneb y ddaear all y Gweinidog gyfiawnhau dorri cyllidebau Cymraeg pan fo gyda nhw nod o ddyblu defnydd yr iaith a chynyddu nifer y siaradwyr i filiwn?”

Y Llywodraeth yn anghytuno

Mae Llywodraeth Cymru yn wfftio hynny ac wedi dweud nad yw arian i fudiadau fel yr Eisteddfod a’r Urdd yn cael ei gwtogi.

“Rydym wedi ymrwymo i gynyddu’r nifer o bobl sy’n siarad Cymraeg ac sy’n defnyddio’r Gymraeg yn eu bywydau bob dydd,” meddai.

“Mae cyllidebau iaith Gymraeg yn parhau i fod yn fwy na £37m eleni. Mae cyllidebau craidd ein partneriaid grant wedi cynyddu hefyd o dros filiwn dros y 5 mlynedd diwethaf.”

Mae golwg360 wedi gofyn i’r Urdd a’r Eisteddfod am ymateb.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones