“Canlyniad ardderchog yn Arfon” meddai Siân Gwenllïan

Diweddarwyd am  

Mae Hywel Williams wedi cynyddu ei fwyafrif yn sylweddol

Mae Plaid Cymru wedi cadw sedd Arfon a llwyddo i ddenu ei nifer fwyaf erioed o bleidleisiau yno.

Fe ddaeth yr etholaeth i fodolaeth yn 2010 yn dilyn newid ffiniau, a bryd hynny fe enillodd Hywel Williams y sedd i Blaid Cymru gyda 9,383 o bleidleisiau.

Ond fu ond y dim iddo golli’r sedd yn etholiad cyffredinol 2017, wrth i’r Blaid Lafur ddod o fewn 92 pleidlais iddo.

A’r tro hwn bu Llafur yn llygadu’r sedd gan gludo canfaswyr o Lerpwl i gnocio drysau yn yr etholaeth.

A’r Sul diwethaf daeth Jeremy Corbyn i annerch y ffyddloniaid ym Mangor.

Ond ofer fu’r ymdrech Lafur wrth i Hywel Williams gynyddu ei fwyafrif i 2,781 a chael y nifer mwyaf erioed yn fotio drosto, sef 13,134.

Roedd pleidlais Llafur lawr 5% i 10,353 y tro hwn.

Trydydd oedd y Ceidwadwyr gyda 4,428 o’r bleidlais, a’r blaid Brexit yn bedwerydd gyda 1,159.

“Ardderchog” meddai Siân Gwenllïan

Mae Aelod Cynulliad Plaid Cymru yn Arfon wedi croesawu perfformiad Hywel Williams.

“Ar noson gyffredinol wael i Gymru, dwi’n falch iawn ein bod wedi gweld ein pedwar AS Plaid Cymru yn cael eu hail-ethol i gynrychioli eu cymunedau a’n gwlad,” meddai Siân Gwenllïan.

“Mae’r canlyniad yn Arfon yn ardderchog, y nifer uchaf o bleidleisiau i Blaid Cymru erioed.

“Mae Adam Price wedi bod yn llais clir dros Gymru yn yr etholiad ac mae ei arweiniad effeithiol ac ysbrydoledig yn golygu fod y Blaid mewn lle cryf iawn wrth feddwl am etholiad Senedd Cymru yn 2021.

“Ond rwy’n bryderus iawn am y dyfodol o dan Johnson.

“Dyw ef yn poeni dim am Gymru ac mae Llafur yn hollol aneffeithiol yn ei erbyn.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones