Ymgeisydd plaid Gwlad eisiau gweddnewid addysg yng Nghymru

 

Mae ymgeisydd plaid Gwlad yn dweud eu bod nhw eisiau gweddnewid y system addysg yng Nghymru er mwyn creu “cenedl ddysg newydd”.

Mae Laurence Williams, ymgeisydd y blaid ym Mro Morgannwg, yn dweud bod moral staff yn isel, newidiadau cyson yn y cwricwlwm a chau ysgolion i gyd yn fygythiadau o du’r llywodraeth bresennol.

Mae’n tynnu sylw hefyd at gwymp Cymru ar restr PISA dros yr ugain mlynedd ddiwethaf, gan ddweud bod angen “edrych tua’r Iseldiroedd a’r Ffindir” am esiamplau o addysg o safon uchel.

“Dydy’r holl amhariadau cyson yn hysgolion ddim wedi helpu’r un iod – maen nhw’n ansefydlogi staff ac mae’r disgyblion yn cael eu defnyddio fel arbrawf i bob pwrpas,” meddai Laurence Williams.

Addysg ddwyieithog

Ynghyd â galw am bwyslais o’r newydd ar addysg alwedigaethol a thechnegol, mae’n galw am wneud addysg ddwyieithog yn “norm” ledled Cymru.

“Rydym yn ceisio cydbwysedd o ran rhagoriaeth mewn addysg academaidd, ond rhagoriaeth hefyd mewn addysg alwedigaethol a thechnegol, heb wahaniaethu rhyngddyn nhw,” meddai’r peiriannydd trydanol.

“Fel hyn, gallwn ddod yn genedl ddysg unwaith eto, fel yr oedd Cymru’r bedwaredd ganrif ar bymtheg, pan oedd cyfraddau llythrennedd, er enghraifft, ymhlith y gorau yn Ewrop.”

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones