Cwmni Wetherspoons yn agor tafarn newydd yn nhref Prestatyn

 

Llun cyhoeddusrwydd Clwb Stecen tafarnau Wetherspoon

Llun: J D Wetherspoon

Fe fydd tref Prestatyn yn cael tafarn Wetherspoons newydd sbon fel rhan o ddatblygiad a fydd yn creu 10,000 o swyddi yng ngwledydd Prydain.

Roedd adroddiadau’r llynedd y byddai’r dafarn newydd yn cael ei chodi ar safle adeilad fu’n gartref i’r heddlu, y Maer a Bwrdd Iechyd Betsi Cadwaladr.

Mae Wetherspoons yn buddsoddi £200m mewn cyfres o dafarnau a gwestai dros gyfnod o bedair blynedd, gyda’r rhan fwyaf yn mynd i drefi bach a chanolig.

Y trefi eraill fydd yn elwa yw Bourne yn Swydd Lincoln, Ely yng Nghaergrawnt, Diss yn Norfolk, Felixstowe yn Suffolk, Newport Pagnell yn Swydd Buckingham, Waterford yn Iwerddon a Hamilton yn yr Alban. 

Ond fe fydd buddsoddi’n digwydd mewn nifer o ddinasoedd hefyd, gan gynnwys Llundain, Dulyn, Caeredin, Glasgow, Birmingham, Leeds a Galway.

Fe fu Tim Martin, sylfaenydd a chadeirydd y cwmni, yn llafar ei gefnogaeth i Brexit.

Mae gan y cwmni 875 o dafarnau a 58 o westai yng ngwledydd Prydain, ac mae’n cyflogi 44,000 o staff.

Arian a Busnes

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones