“Rhaid buddsoddi mewn ardaloedd y tu allan i’n dinasoedd”

Diweddarwyd am  
John Davies a Bethan Jenkins

John Davies gyda Bethan Jenkins yng Nghlydach

Llun: Plaid Cymru

Mae ymgeisydd seneddol Plaid Cymru yn etholaeth Gŵyr yn dweud bod rhaid buddsoddi mewn ardaloedd y tu allan i ddinasoedd Cymru.

Fe fu John Davies yn ymgyrchu yn ardal Clydach gyda Bethan Sayed ddoe (dydd Sadwrn, Rhagfyr 7), gan rybuddio am “ddiffyg gweledigaeth” Llafur a’r Ceidwadwyr.

Fe fu’r sedd yng ngofal Llafur rhwng 1908 a 2015, cyn i’r Ceidwadwyr ei hennill gyda mwyafrif o ddim ond 27.

Ond cafodd ei hadennill gan Lafur yn 2017 yn dilyn buddugoliaeth Tonia Antoniazzi gyda mwyafrif o 3,269.

Gallai’r etholiad yn yr etholaeth fod ymhlith y rhai pwysicaf drwy holl wledydd Prydain wrth ystyried y canlyniad terfynol yn San Steffan.

‘Gweledigaeth ehangach’

Ond wrth i Lafur a’r Ceidwadwyr frwydro am y sedd unwaith eto, mae Plaid Cymru’n dadlau bod ganddyn nhw “weledigaeth ehangach” ar gyfer yr ardal.

“Rhaid i ni wneud gwell defnydd o’n potensial i fuddsoddi,” meddai’r ymgeisydd John Davies.

“Mae gan Lafur yma a’r Torïaid yn San Steffan ddiffyg gweledigaeth ac maen nhw’n methu â buddsoddi er mwyn datblygu ardaloedd y tu allan i’r dinasoedd canolog.

“Mae gan y Blaid weledigaeth ehangach: byddwn ni’n sicrhau ein bod ni’n gwella ardaloedd fel Clydach drwy sicrhau buddsoddiad yn yr ardal.

“Fyddwn ni ddim yn canolbwyntio ar ddarn cul o ganol y ddinas wrth ariannu.”

Cafodd ei sylwadau eu hategu gan Bethan Sayed, yr Aelod Cynulliad.

“Mae gwir angen adfywio a buddsoddiad ar ein trefi llai i gyd,” meddai.

“Does gan Lafur na’r Ceidwadwyr ddim syniadau na chynlluniau.

“Bydd y Blaid yn gweithio’n galed i adfywio’n cymunedau lleol ledled Cymru.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones