Cyhuddo Llafur, Plaid Cymru a’r Lib Dems o “fynd yn groes i ewyllys pobl Cymru” ar Brexit

 

Mark Isherwood

Llun: Cynulliad Cenedlaethol Cymru CC 2.0

Mae’r Aelod Cynulliad Torïaidd Mark Isherwood wedi ymosod ar Lafur, Plaid Cymru a’r Democratiaid Rhyddfrydol “am barhau i fynd yn groes i ewyllys pobl Cymru”.

Yn ôl Mark Isherwood mae Aelodau Cynulliad y pleidiau hyn yn defnyddio Brexit i ddychryn pobl ynglŷn â dyfodol y Gwasanaeth Iechyd.

Wrth siarad mewn dadl yn y Senedd yr wythnos hon, mae Mark Isherwood wedi cyhuddo Plaid Cymru o “wadu” bod y wlad wedi pleidleisio tros Brexit.

Aeth ymlaen i honni y byddai ail refferendwm Brexit yn “mynd â’r Deyrnas Unedig yn ôl i’r cam cyntaf, yn erydu ffydd yn y system wleidyddol ac yn gwneud ffars o’n democratiaeth.

“Ar Fehefin 23 2016, mi wnaeth y Deyrnas Unedig bleidleisio i adael yr Undeb Ewropeaidd. Pleidleisiodd Cymru dros adael.

“Ond mae Aelodau Cynulliad Plaid Cymru, y Democratiaid Rhyddfrydol a Llafur, sydd yma gyda mandad honedig, yn parhau i fynd yn groes i ewyllys pobl Cymru”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn