16 mis o garchar i artist graffiti Natsïaidd Caerdydd

Diweddarwyd am  
cyfiawnder

Llun: CCO

Mae myfyriwr wnaeth arddangos graffiti hiliol a homoffobig yng Nghaerdydd wedi cael ei garcharu am 16 mis.

Adeg y troseddau ym Mawrth ac Ebrill 2018 roedd Elliot Jasper Richards-Good yn 18 oed ac yn astudio ym Mhrifysgol Caerdydd.

Dywed Heddlu De Cymru, o fewn wythnosau iddo gyrraedd, fod llenyddiaeth a graffiti hiliol a homoffobig wedi dechrau ymddangos o amgylch y brifddinas.

Fe wnaeth swyddogion o Uned Gwrthderfysgaeth Eithafiaeth Cymru (WECTU) dracio’r dyn ifanc i lawr ar ôl rhoi lluniau teledu cylch cyfyng at ei gilydd.

Dangosodd delweddau feiciwr gyda chamera wedi ei strapio i’w frest yn seiclo o Cathays i’r Senedd ac yn ôl y noson ymddangosodd symbol y Natsïaid ar adeilad y llywodraeth.

Arestiwyd Elliot Jasper Richards-Good yn Cheltenham ar Fedi 20 2018, gyda swyddogion yn adfer paent chwistrell, menig a dillad.

Plediodd Elliot Jasper Richards-Good yn euog yn Llys y Goron Caerdydd i 11 cyhuddiad, gan gynnwys ennyn casineb hiliol a difrod troseddol a waethygwyd gan hil, meddai’r heddlu.

“Mae Caerdydd yn ddinas amlddiwylliannol groesawgar a bywiog ac roedd safbwyntiau a gweithredoedd ffiaidd Richards-Goods yn haeddiannol wedi peri pryder mawr ymhlith y gymuned leol,” meddai’r Ditectif Uwcharolygydd Noel Harris, pennaeth WECTU.

“Roedd ein swyddogion yn benderfynol o ddal y person a oedd yn gyfrifol cyn gynted â phosibl, er mwyn atal troseddu pellach ac anfon neges i’r gymuned – a’r lleiafrif sy’n rhannu ideolegau hiliol Richards-Good – na fydd yn cael ei oddef.”

 

Celf Weledol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones