Canlyniadau PISA Cymru “yn gadarnhaol, ond nid perffaith”

Diweddarwyd  

Llun: CC0

Mae Gweinidog Addysg Cymru Kirsty Williams wedi disgrifio canlyniadau profion PISA Cymru yn “gadarnhaol, ond nid perffaith”.

Roedd Cymru’n un o 79 o wledydd a wnaeth gymryd rhan yng nghylch diweddaraf PISA, a gynhelir gan y Sefydliad ar gyfer Cydweithrediad a Datblygiad Economaidd (OECD).

Cynyddodd nifer y myfyrwyr sy’n perfformio i lefel uchel mewn Darllen o 3% yn 2015 i 7% yn 2018, a gwelwyd cynnydd tebyg mewn Mathemateg a chynnydd mewn Gwyddoniaeth hefyd.

Yn ogystal, gwelwyd gwelliant yn safle Cymru o gymharu â’r gwledydd eraill a gymerodd ran.

Cafodd Cymru’r un sgôr a’r Eidal, ac yn uwch na’r Unol Daliaethau, Luxenbourg, Lithwania a Hwngari.

“Am y tro cyntaf erioed mae Cymru’n rhan o’r brif ffrwd ryngwladol, diolch i ymdrechion ein hathrawon a’n myfyrwyr,” meddau Kirsty Williams.

“Rydym wedi dal i fyny, ac yn dal i wella ym mhob maes. Fel cenedl, rhaid i ni ymdrechu’n galed i gadw’r momentwm hwn. Gallwn fynd ymhellach.”

Addysg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones